"استانا" تەلەارناسىنىڭ حابارلاۋىنشا، ايەل ءوز ءسابيىن ساتىپ الاتىن ەكى ادامدى تاۋىپ، ولاردى ءوزارا اۋكتسيونداعىداي باسەكەلەستىرگەن. اقىرىندا كوبىرەك اقشا ۇسىنعانعا ويلانباستان بالاسىن ۇستاتىپ جىبەرگەن. پوليتسيا دەپارتامەنتى مۇنداي اقپاراتتى راستادى.
قازىر بۇعان قاتىستى "كامەلەتكە تولماعانداردىڭ ساۋداسى" بابىمەن ءىس قوزعالعان. كۇدىكتى ازىرشە بالاسىنىڭ جانىندا، بوستاندىقتا ءجۇر.
"قازىرگى تاڭدا 1991 جىلى تۋعان كۇدىكتىگە قاتىستى قر قىلمىستىق كودەكسىنىڭ 135-بابى، 2-بولىگى، 2-تارماعىنا سايكەس، تەرگەۋ امالدارى جۇرگىزىلىپ جاتىر. بالاعا جانە اناسىنا سوت-بيولوگيالىق ساراپتاما تاعايىندالدى. سونىمەن بىرگە قازىرگى تاڭدا كۋاگەرلەردەن جاۋاپتار الىندى. وزگە اقپاپاتتى جاريا ەتە المايمىز", - دەدى اتىراۋ وبلىسى پوليتسيا دەپارتامەنتىنىڭ ءباسپاسوز حاتشىسى مەيىرىم ەرداۋلەت.
"ادىرنا" ۇلتتىق پورتالى
