تۇركىستاندا بالاباقشا كولىگى بەس جاستاعى ءبۇلدىرشىندى باسىپ كەتتى، دەپ حابارلايدى "ادىرنا" ءتىلشىسى Stan.kz اقپارات اگەنتتىگى حابارلايدى.
قايعىلى وقيعا 20 قازان كۇنى ساعات 17:32-دە بولعان. ءبۇلدىرشىن وقيعا ورنىندا كوز جۇمدى.
"كەشە كەشكىسىن بالانى رازۆوزكانىڭ كولىگى بالاباقشادان اكەپ تاستاعان. اكەلگەننەن كەيىن بالا ءتۇسىپ، ادەتتە كولىكتىڭ الدىنان وتەتىن. كولىكتىڭ ەسىگى جابىلعاننان كەيىن 5-10 سەكۋندقا جەتپەي، كولىك ارى قاراي ءجۇرىپ كەتكەن. ءدال الدىنداعى بالانى مىجىپ وتكەن. ءبىراز جۇرگەننەن كەيىن كولىكتى كورشىلەر توقتاتقان. ول كەزدە بالا جان تاپسىرعان. 2,5 توننالىق كولىك ۇستىنەن ءوتىپ كەتكەن", – دەيدى بالانىڭ تۋىسى.
جۇرگىزۋشىنىڭ بالانى قاققان ءساتى بەينەباقىلاۋ كامەراسىنا ءتۇسىپ قالعان. كورشىلەرىنىڭ كولىكتى قالاي توقتاتقانىن كورۋگە بولادى. اكىمدىك حابارلاماسىندا:
"اتالعان فاكت 20 قازان كۇنى قر قك-ءنىڭ 345-بابىنىڭ 2-بولىگىندە كورسەتىلگەن (كولiك قۇرالدارىن باسقاراتىن ادامداردىڭ جول ءجۇرىسى نەمەسە كولiك قۇرالدارىن پايدالانۋ قاعيدالارىن بۇزىپ، ابايسىزدا ادامنىڭ دەنساۋلىعىنا اۋىر زيان اكەپ سوققان) قىلمىستىق قۇقىقبۇزۋشىلىق بەلگىلەرمەن سوتقا دەيىنگى تەرگەۋ باستالدى", – دەلىنگەن.
