Túrkistanda balabaqsha kóligi bes jastaǵy búldirshindi basyp ketti, dep habarlaıdy "Adyrna" tilshisi Stan.kz aqparat agenttigi habarlaıdy.
Qaıǵyly oqıǵa 20 qazan kúni saǵat 17:32-de bolǵan. Búldirshin oqıǵa ornynda kóz jumdy.
"Keshe keshkisin balany razvozkanyń kóligi balabaqshadan ákep tastaǵan. Ákelgennen keıin bala túsip, ádette kóliktiń aldynan ótetin. Kóliktiń esigi jabylǵannan keıin 5-10 sekýndqa jetpeı, kólik ary qaraı júrip ketken. Dál aldyndaǵy balany myjyp ótken. Biraz júrgennen keıin kólikti kórshiler toqtatqan. Ol kezde bala jan tapsyrǵan. 2,5 tonnalyq kólik ústinen ótip ketken", – deıdi balanyń týysy.
Júrgizýshiniń balany qaqqan sáti beınebaqylaý kamerasyna túsip qalǵan. Kórshileriniń kólikti qalaı toqtatqanyn kórýge bolady. Ákimdik habarlamasynda:
"Atalǵan fakt 20 qazan kúni QR QK-niń 345-babynyń 2-bóliginde kórsetilgen (kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzyp, abaısyzda adamnyń densaýlyǵyna aýyr zııan ákep soqqan) qylmystyq quqyqbuzýshylyq belgilermen sotqa deıingi tergeý bastaldy", – delingen.
