قوستانايدىڭ تۇرعىندارى وسىنداي جانتۇرشىگەرلىك ارەكەتكە كۋا بولدى، دەپ حابارلايدى ەك.
بۇل تۋرالى ءوزىنىڭ Instagram پاراقشاسىندا قوستانايدىڭ تۇرعىنى ەۆگەنيا ارتانج جاريالاعان. ونىڭ ايتۋىنشا، بۇل وقيعا ۋروجاينايا كوشەسىندەگى التى قاباتتى ءۇيدىڭ قاسىندا، دەمالىس كۇندەرى بولعان.
ء"يتتىڭ جانىن قويارعا جەر تاپپاي قىڭسىلاعان داۋىسى اۋلانى جاڭعىرتتى. تۇرعىنداردىڭ ءبارى ۇرەيى ۇشىپ، سىرتقا اتىپ شىقتى. ءۇش ەرەسەك ادام، ىشىندە ءبىزدىڭ اۋلادا تۇراتىن زەينەتكەر دە بار، التى قاباتتى ءۇيدىڭ قاسىندا قاپشىقتى بالعامەن ۇرعىلاپ جاتقانىن كوردىك. تۇرعىندار پوليتسيا شاقىرىپ، ءيتتى قۇتقارماق بولدى. الايدا، ولار ءيتتى ءولتىرىپ تاستادى. "مۇنىڭىز نە؟" دەگەن بىزگە يەسى: "بۇل تاۋىق جەپ ءجۇر" دەپ قىسقا قايىردى، — دەپ جازادى ەۆگەنيا.
بەينەجازبادا ەر ادامداردىڭ ءيتتى قالاي ازاپتاپ ولتىرگەنى تۇسىرىلمەگەن. الايدا قولدارىنا بالعا ۇستاپ، قاپشىققا سالىپ اكەتىپ بارا جاتقانىن انىق كورۋگە بولادى.
وقيعا كۋاگەرى قىز بالا ادامداردىڭ مۇنشالىقتى جاۋىزدىعىنان جانى تۇرشىككەنىن ايتادى.
پوليتسيا دەپارتامەنتى ماتەريال تىركەلگەنىن مالىمدەدى.
قازىرگى تاڭدا ۋچاسكەلىك پوليتسيا قىزمەتكەرى ولاردى جاۋاپقا تارتۋ ءۇشىن بەينەجازباداعى ادامداردىڭ جەكە باسىن انىقتاپ جاتىر، — دەيدى وبلىستىق پد ءباسپاسوز قىزمەتى.
