Taspolatov Erbol Týrmahanuly - Qazaqstanda tanymal jastardyń biri. Ol 2002 jyly 27 qańtarda Shymkent qalasynda týǵan.
2008 jyly Shymkent qalasyndaǵy O.A.Joldasbekov atyndaǵy fızıka-matematıka baǵytyndaǵy lıeıge 1-synypqa barǵan Erbol mektepte qatarlastarynyń aldy boldy. Mektepte matematıka boıynsha pándik olımpıadalarǵa qatysyp, oqýshylar arasynda úzdik boldy.
Erbol 2019 jyly Almaty qalasyndaǵy ál-Farabı atyndaǵy Qazaq Ulttyq ýnıversıtetiniń Mehanıka-matematıka fakýltetiniń IT -Aqparattyq tehnologııalar mamandyǵynyń memlekettik grantyn jeńip alady. 2021 jyly robototehnıka boıynsha olımpıadany jeńip, ýnıversıtette jas ınjenerler klýbyn uıymdastyrady.
Stýdent bolyp oqı júrip, ol óziniń IT mektebin ashty.
«Tańdaýym IT salasy boldy. Mamandyq tańdarda mende úsh negizgi qaǵıda boldy. Olar: kerek, qalaımyn jáne qolymnan keledi. Men úshin - eń aldymen mamandyqtyń qoǵamǵa kerek bolǵany mańyzdy. Óıtkeni adam qoǵamǵa óziniń paıdasyn ákelý kerek. Al IT salasy bolashaqtyń negizi. Sebebi, baǵdarlamalaý arqyly ózekti máselelerdi sheshýge bolady. Mysaly, 2017 jyly Dmıtrıı Shamarın mylqaý adamdardyń sózderin is-qımyldan dybysty túrge aınaldyratyn qolǵap oılap tapty. Al qoǵamda osyǵan uqsas sheshimin tosyp otyrǵan máseleler óte kóp. Stıv Djobs «The only way to do great work is love what you do» dep aıtady. Mamandyq tek «kerek» qaǵıdasyna súıenbeý kerek, sebebi, seniń mamandyǵyń ol jaǵdaıda tek aqsha alyp keletin bolady. Stıv Djobstyń aıtqysy keletini: «sen jan-tánińmen berilgen mamandyqta ǵana keremet nátıje kórsete alasyń. Iaǵnı sen sol mamandyqty qalaý kereksiń, Nıýton fızıkany súıgendeı. Al meni IT salasy týraly oılaýdyń ózi baqytty etedi. Mamandyqty qalaý jáne onyń qoǵamǵa kerek bolýy jetkiliksiz, eger sende osy salany ıgeretin qabilet bolmasa. Mysaly, hırýrg qolsyz bola almaıdy. Seniń bilim deńgeıiń men qabilettiligiń mamandyq tańdaýda úlken úleske ıe. Men qolymnan kelý qaǵıdasyna berilip jumys jasap jatyrmyn jáne jasaıtyn bolamyn. Meniń nege IT salasyn tańdaǵanym endi aıdan anyq boldy dep esepteımin. Bolashaq gıpotezaǵa baǵynbaıdy, biraq, qazir men osyndaı jospar quryp, maqsat qoıyp, soǵan jetýge tyrysyp júrmin. Osy arman- maqsatym erteń adamzatqa paıdaly bolýǵa kómektesedi dep senemin», - deıdi Erbol.
Rasymen de Erbol saýatty. Sebebi, ol qazirdiń ózinde mektebin ashyp úlgergen. Onyń ashqan mektebiniń túlekteri halyqaralyq jobalarǵa qatysyp, ıgi ister jasaýda.
Erbol kitapty kóp oqyp, tynymsyz izdenetin bolǵandyqtan kóshbasshylyq qabiletke ıe. Onyń myna sózi jastarǵa oı salady.
«Erte me, kesh pe, adamǵa mamandyǵyn tańdaý kerek. Mamandaqty tańdaý – óte mańyzdy, óıtkeni bul jaı jumys ǵana emes, bul sizdiń bolashaq ómirińiz. Sondyqtan jumys saǵan aqsha ǵana emes, sondaı-aq qýanysh ákelý kerek. Biz tez damyp keletin tehnologııalar ǵasyrynda turamyz, sondyqtan onyń tańdaýy IT mamandyǵyna ákeldi, óıtkeni, bul mamandyq kóptegen jyldar boıy ózekti jáne perspektıvaly bolyp qala beredi. IT mamany – kompıýterlerge arnalǵan baǵdarlamalyq jasaqtamany qalaı damytatynyn biletin adam. Bul joǵary tólenetin mamandyq, sebebi kompıýter barlyq salalarda qajet. Búgin kompıýterdi barlyq jerde tabýǵa bolady: mektepte, aýrýhanalarda túrli kompanııalarda jáne taǵy basqalar. Barlyq osy kompıýterler úlken kólemdegi aqparatpen jumys isteýge qyzmet etedi. Biraq bul kompıýterler tıisti baǵdarlamalyq jasaqtamasyz paıdasyz bolady. Sondyqtan baǵdarlamashy mamandyǵy damyp, eń tanymal mamandyqtardyń biri bolyp tabylady», - dep atap ótti Erbol.
Iá, robototehnıka qarqyndy damyǵan qazirgi kezeńde aqparattyq júıelerdi ıgerý ózekti bolyp otyr. Osy salany tańdaǵan Erboldyń eńbekke degen umtylysynan kóp dúnıe ańǵarýǵa bolady. Erbol mektebin bitirgen talaı jastar qazir IT salasyn sheber meńgergen mamandar.
Nurlan Asqaruly, jýrnalıst
