ەربولات ىبىرايحانوۆ قر سۋ رەسۋرستارى جانە يرريگاتسيا ۆيتسە-ءمينيسترى بولىپ تاعايىندالدى، دەپ حابارلايدى "ادىرنا" سايتى ۇكىمەتتىڭ ءباسپاسوز قىزمەتىنە سىلتەپ.
«قازاقستان رەسپۋبليكاسى ۇكىمەتىنىڭ قاۋلىسىمەن ەربولات ماقسۇتحانۇلى ىبىرايحانوۆ قازاقستان رەسپۋبليكاسىنىڭ سۋ رەسۋرستارى جانە يرريگاتسيا ۆيتسە-ءمينيسترى بولىپ تاعايىندالدى»، - دەلىنگەن حابارلامادا.
ىبىرايحانوۆ تاريف ساياساتى مەن قۇرىلىس ماسەلەلەرىن قاداعالايدى.
بۇگىنگى تاعايىنداۋدان ءبىر جىل بۇرىن ىبىرايحانوۆ جامبىل وبلىسى اكىمىنىڭ ورىنباسارى قىزمەتىن اتقارعان بولاتىن. 2019-2022 جىلدارى – تابيعي مونوپوليالاردى رەتتەۋ كوميتەتى توراعاسىنىڭ ورىنباسارى بولدى.
ەستەرىڭىزگە سالا كەتەيىك، نۇرجان نۇرجىگىتوۆ 4 قىركۇيەكتە قازاقستاننىڭ سۋ رەسۋرستارى جانە يرريگاتسيا ءمينيسترى بولىپ تاعايىندالعان بولاتىن. بۇعان دەيىن ول جامبىل وبلىسىنىڭ اكىمى بولعان.
ۇقساس جاڭالىقتار
