اقش پرەزيدەنتى دجو بايدەن رەسەي حالقىنا ۇندەۋ جولدادى، دەپ حابارلايدى "ادىرنا" ۇلتتىق پورتالى.
قۇراما شتاتتاردىڭ باسشىسى رەسەيلىكتەرگە امەريكا مەن ۋكراينا ساياساتىن ءتۇسىندىرىپ، ءپۋتيندى سىناي سويلەدى.
"مەن رەسەي حالقىنىڭ قاپەرىنە الار ءبىر اۋىز ءسوز سويلەگىم كەلەدى: اقش پەن ەۋروپا ەلدەرى رەسەيدى جويعىسى كەلمەيدى. ءبىز بۇگىن پۋتين ايتقانداي، رەسەيگە شابۋىل جاساۋدى، رەسەيدى باسىپ الۋدى جوسپارلاپ وتىرعانىمىز جوق. ءبىزدىڭ بەيبىت ءومىر سۇرگىمىز كەلەدى. ءبىز - سىزگە جاۋىڭىز ەمەسپىز.
بۇل سوعىس قاجەتتىلىكتەن تۋعان جوق، بۇل - تراگەديا. بۇل سۇم سوعىستى ءپۋتيننىڭ ءوزى تاڭدادى. سوعىس ءپۋتيننىڭ جەكە قالاۋى بويىنشا باستالدى. ول بۇل سوعىستى كەز كەلگەن ۋاقىتتا توقتاتا الادى، وعان ءبىر ءسوز ايتسا، جەتكىلىكتى.
ەگەر رەسەي ءوزىنىڭ شابۋىلىن توقتاتسا، سوعىس ءدال قازىر اياقتالادى. ەگەر ۋكرايندار وزدەرىن قورعاۋدى توقتاتسا، بۇل ۋكراينانىڭ سوڭعى رەت تۇياق سەرپۋىن كورسەتەدى. سوندىقتان ءبىز ۋكراينانىڭ ءوزىن قورعاۋىنا كومەكتەسەمىز", - دەدى اقش پرەزيدەنتى.
"ادىرنا" ۇلتتىق پورتالى
