Erbolat Ybyraihanov QR Su resurstary jäne irrigasiia vise-ministrı bolyp taǧaiyndaldy, dep habarlaidy "Adyrna" saity ükımettıŋ baspasöz qyzmetıne sıltep.
«Qazaqstan Respublikasy Ükımetınıŋ qaulysymen Erbolat Maqsūthanūly Ybyraihanov Qazaqstan Respublikasynyŋ Su resurstary jäne irrigasiia vise-ministrı bolyp taǧaiyndaldy», - delıngen habarlamada.
Ybyraihanov tarif saiasaty men qūrylys mäselelerın qadaǧalaidy.
Bügıngı taǧaiyndaudan bır jyl būryn Ybyraihanov Jambyl oblysy äkımınıŋ orynbasary qyzmetın atqarǧan bolatyn. 2019-2022 jyldary – Tabiǧi monopoliialardy retteu komitetı töraǧasynyŋ orynbasary boldy.
Esterıŋızge sala keteiık, Nūrjan Nūrjıgıtov 4 qyrküiekte Qazaqstannyŋ Su resurstary jäne irrigasiia ministrı bolyp taǧaiyndalǧan bolatyn. Būǧan deiın ol Jambyl oblysynyŋ äkımı bolǧan.
Ūqsas jaŋalyqtar
