وقۋ-اعارتۋ ءمينيسترى عاني بەيسەمباەۆ حيدجاب كيىپ جۇرگەن وقۋشى قىزداردىڭ مەكتەپكە بارماي جۇرگەنى تۋرالى اقپاراتتى جوققا شىعاردى، دەپ حابارلايدى «ادىرنا» ۇلتتىق پورتالى كازتاگ سايتىنا سىلتەمە جاساپ.
مينيستر جاڭا وقۋ جىلى باستالعان كەزدە حيدجاب كيگەن وقۋشى قىزداردىڭ سانى 150-دەن دە كوپ بولعانىن، ولاردىڭ اتا-اناسىمەن ءتۇسىندىرۋ جۇمىسى جۇرگىزىلگەنىن اتاپ ءوتتى.
«مەكتەپ بالالاردىڭ ساپالى ءبىلىم مەن تاربيە الۋعا ارنالعانىن جاقسى بىلەسىزدەر. سوندىقتان اتا-انالار ءتۇسىنىپ، قابىلداي باستادى. قازىرگى ۋاقىتتا بۇل ماسەلە شەشىلدى. مەندەگى اقپاراتقا سايكەس، باسقا وڭىرلەردە ورامال تاعاتىن وقۋشىلار جوق»، - دەپ جاۋاپ بەردى بەيسەمباەۆ ۇكىمەت وتىرىسىنان كەيىنگى بريفينگتە.
ەسكە سالساق، پرەزيدەنت قاسىم-جومارت توقاەۆ رەسپۋبليكالىق پەداگوگتەر سەزىندە مەكتەپتەگى حيدجاب ماسەلەسى جايلى پىكىرىن ايتقان بولاتىن. مادەنيەت جانە اقپارات ءمينيسترى ايدا بالاەۆا دا مەكتەپتە حيدجاب كيۋگە قاتىستى تۇسىنىكتەمە بەرگەنىن جازعان ەدىك.
«ادىرنا» ۇلتتىق پورتالى
