قازاقستان 5G تەحنولوگياسىن ەنگىزۋدى 2026 جىلعا قاراي اياقتاۋ جوسپارلاپ جاتىو. بۇل تۋرالۆ تسيفرلىق دامۋ جانە اەروعارىش ونەركاسىبى ءمينيسترى باعدات مۋسين 5G تەحنولوگياسىن ەنگىزۋ ۇدەرىسىنە قاتىستى پىكىر ءبىلدىردى، دەپ حابارلايدى “ادىرنا”.
شىن مانىندە بۇل وتە جاڭا تەحنولوگيا جانە اۋىلدىق جەرلەرگە ءالى ەنىپ جاتقان جوق. بۇل – الەمدىك دامۋ ءتۇرى. ازىرگە وبلىس ورتالىقتارى مەن رەسپۋبليكالىق ماڭىزى بار قالالاردى قامتۋ مىندەتى تۇر.
بيىلعى جىلدىڭ سوڭىنا دەيىن 600-700 بازالىق ستانتسيا ورناتۋ جوسپارى بار ەدى، بىراق 5G اۋكتسيونىندا جەڭىسكە جەتكەن وپەراتورلار جوسپارلارىن وزگەرتتى. استانا، الماتى جانە شىمكەنت قالالارىندا 1 مىڭعا جۋىق بازالىق ستانتسيا ورناتىلادى، – دەدى باعدات مۋسين.
ول وڭىرلەردە تۇرعىندار جاڭا تەحنولوگيالاردى قولدانۋى ءۇشىن بىرنەشە بازالىق ستانتسيالار ورناتالىتانىن ايتتى.
بۇكىل رەسپۋبليكا بويىنشا وپەراتورلار 2027 جىلعا قاراي بارلىق وبلىس ورتالىقتارىن قامتۋدى جوسپارلاعان بولاتىن، بىراق قازىر بايلانىس وپەراتورلارى جوسپارلارىن قايتا قاراپ، جوبانى 2026 جىلدىڭ سوڭىنا دەيىن جۇزەگە اسىرۋدى جوسپارلاۋدا، – دەدى مينيستر.
مينيستر سوڭعى كەزدەرى ۇيالى بايلانىس وپەراتورلارى اراسىندا بايقالعان اقاۋلاردىڭ 5G ەنگىزۋمەن بايلانىستى ەكەنىن ايتتى.
ءيا، بۇل تەحنيكانى جاڭعىرتۋعا بايلانىستى. ياعني بۇگىنگى كوممۋنيكاتسيا ينفراقۇرىلىمى جاڭعىرتۋدى قاجەت ەتەدى جانە جاڭعىرتۋ كەزەڭىندە مۇنداي ماسەلەلەر تۋىنداۋى مۇمكىن، – دەپ قوستى باعدات مۋسين.
سونداي-اق، ول قولايسىزدىقتار ءۇشىن قازاقستان حالقىنان كەشىرىم سۇرادى.
