Oqý-aǵartý mınıstri Ǵanı Beısembaev hıdjab kıip júrgen oqýshy qyzdardyń mektepke barmaı júrgeni týraly aqparatty joqqa shyǵardy, dep habarlaıdy «Adyrna» ulttyq portaly KazTAG saıtyna silteme jasap.
Mınıstr jańa oqý jyly bastalǵan kezde hıdjab kıgen oqýshy qyzdardyń sany 150-den de kóp bolǵanyn, olardyń ata-anasymen túsindirý jumysy júrgizilgenin atap ótti.
«Mektep balalardyń sapaly bilim men tárbıe alýǵa arnalǵanyn jaqsy bilesizder. Sondyqtan ata-analar túsinip, qabyldaı bastady. Qazirgi ýaqytta bul másele sheshildi. Mendegi aqparatqa sáıkes, basqa óńirlerde oramal taǵatyn oqýshylar joq», - dep jaýap berdi Beısembaev Úkimet otyrysynan keıingi brıfıngte.
Eske salsaq, Prezıdent Qasym-Jomart Toqaev Respýblıkalyq pedagogter sezinde mekteptegi hıdjab máselesi jaıly pikirin aıtqan bolatyn. Mádenıet jáne aqparat mınıstri Aıda Balaeva da mektepte hıdjab kııýge qatysty túsinikteme bergenin jazǵan edik.
«Adyrna» ulttyq portaly
