كونستيتۋتسيانى ارقالانۋ. ورىسشا مالىمەت تالاپ ەتۋشىنىڭ ۆيدەوسى داۋ تۋدىردى

1559
Adyrna.kz Telegram
فوتو: بەينەجازبادان سكرينشوت
فوتو: بەينەجازبادان سكرينشوت

الەۋمەتتىك جەلىدە ساتىپ الۋشىنىڭ سۋپەرماركەت قىزمەتكەرىنە مالىمەتتى ورىس تىلىندە بەرۋدى تالاپ ەتۋى قىزۋ تالقىلانىپ جاتىر، دەپ حابارلايدى «ادىرنا» ۇلتتىق پورتالى.

بۇل كورىنىس استاناداعى «الەم» ساۋدا ورتالىعىندا ورنالاسقان «ماگنۋمدا» تۇسىرىلگەن.

ۆيدەو اۆتورىنىڭ سوزىنشە، ايەل سۋپەرماركەت قىزمەتكەرىنە تۇبىرتەك ورىس تىلىندە بەرىلمەگەنى ءۇشىن جەكىگەن.

«ول تۇبىرتەك ءتىلى مەملەكەتتىك تىلدە عانا ەمەس، ورىس تىلىندە دە بولۋى كەرەك دەپ سانايدى. تاۋەلسىزدىككە وتىز ەكى جىل بولسا دا حالىق تۇبىرتەكتى قازاقشا وقىعىسى كەلمەيدى. بۇل – ەلىمىزدىڭ ءتىل ساياساتىنا بەرىلگەن باعاسى»، - دەيدى بەينەجازبا اۆتورى.

ۆيدەودان ساتىپ الۋشىنىڭ مىنا ءبىر سوزدەرىن ەستۋگە بولادى:

«توقتاڭىز! مەن ەشكىمگە مىندەتتى ەمەسپىن! جاشىكتەگى زاتتارعا تولەيمىن. ال تۇبىرتەك مەنىڭ تىلىمدە جازىلۋى كەرەك. كونستيتۋتسيادا قازاق جانە ورىس تىلىندە دەپ جازىلعان. قالعانى ماعان ماڭىزدى ەمەس».

بۇل بەينەجازباعا قاتىستى جەلىدە ءتۇرلى پىكىر ايتىلۋدا.

«الەمنىڭ ەشبىر ەلىندە بىزدەگىدەي مەملەكەتتىك تىلگە دەگەن كوزقاراس جوق شىعار. بۇل قازىردىڭ وزىندە «مەنىڭ تىلىمدە» «ماعان مىندەتتى ەمەس» دەپ مىندەتسىنىپ جاتىر»، «ونى رەسەيدەگى وتانىنا جىبەرۋ كەرەك»، «قازاقستاندا جالعىز مەملەكەتتىك قازاق ءتىلى بار»، «قازاق ءتىلىن مەملەكەتتىك ءتىل رەتىندە قالدىرۋ كەرەك، كىمگە كەرەك ۇيرەنەدى»، «رەسپۋبليكانىڭ ءاربىر ازاماتى مەملەكەتتىك ءتىلدى بىلۋگە مىندەتتى. قالاسا دا، قالاماسا دا»، «ورىس ءتىلى ەمەس، مەملەكەتتىك ءتىل - قازاق ءتىلى»،  - دەپ جازعان جەلى وقىرماندارى.

قازاقستان رەسپۋبليكاسى كونستيتۋتتسياسىنىڭ 7-بابىندا مەملەكەتتىك تىلگە قاتىستى:

  1. قازاقستان رەسپۋبليكاسىنداعى مەملەكەتتىك ءتىل - قازاق ءتىلى.
  2. مەملەكەتتىك ۇيىمداردا جانە جەرگىلىكتى ءوزىن-ءوزى باسقارۋ ورگاندارىندا ورىس ءتىلى رەسمي تۇردە قازاق تىلىمەن تەڭ قولدانىلادى.
  3. مەملەكەت قازاقستان حالقىنىڭ تىلدەرىن ۇيرەنۋ مەن دامىتۋ ءۇشىن جاعداي تۋعىزۋعا قامقورلىق جاسايدى دەلىنگەن.

 

پوسموترەت ەتۋ پۋبليكاتسيۋ ۆ Instagram

 

پۋبليكاتسيا وت ۆىحود ك پراۆدە🔥 (@vyhod_k_pravde)

 

«ادىرنا» ۇلتتىق پورتالى

پىكىرلەر