«ادىلەتتى جانە پروگرەسسيۆتى قازاقستاننىڭ حالىقتىق كونستيتۋتسياسى ءۇشىن!» جالپىۇلتتىق كواليتسياسىنىڭ ساتباەۆ قالالىق مۇشەلەرى جاڭا كونستيتۋتسيا جوباسىن حالىق اراسىندا ءتۇسىندىرۋ جۇمىستارىن جالعاستىرىپ جاتىر.
بۇگىن كواليتسيا وكىلدەرى ساتباەۆ قالاسىنداعى قوعامدىق كەلىسىم كمم ۇجىمىمەن كەزدەسۋ وتكىزدى. جيىن بارىسىندا كونستيتۋتسيالىق رەفورمالاردىڭ ماڭىزى، ازاماتتاردىڭ قۇقىقتارى مەن مىندەتتەرىن كەڭەيتۋگە باعىتتالعان باستامالار جان-جاقتى ءتۇسىندىرىلدى.
كەزدەسۋ فورماتىندا ەركىن پىكىر الماسۋ ۇيىمداستىرىلىپ، قاتىسۋشىلار تاراپىنان قويىلعان ساۋالدارعا ناقتى جاۋاپتار بەرىلدى. كواليتسيا مۇشەلەرى جاڭا كونستيتۋتسيا جوباسى ەل دامۋىنىڭ جاڭا كەزەڭىنە سەرپىن بەرەتىنىن اتاپ ءوتتى.
قالالىق كواليتسيا وكىلدەرىنىڭ ايتۋىنشا، جاڭا كونستيتۋتسيا جوباسىنىڭ ءمانى مەن ماڭىزىن تۇسىندىرۋگە باعىتتالعان اقپاراتتىق-ءتۇسىندىرۋ جۇمىستارى الداعى ۋاقىتتا دا جالعاسادى.
