EF English Proficiency Index بۇكىل الەم بويىنشا اعىلشىن ءتىلىن مەڭگەرگەن ەلدەر بويىنشا زەرتتەۋ جۇرگىزدى. مالىمەتتەر بويىنشا وزبەكستان 112 وكىلدىڭ ىشىندە 88-ورىندا، دەپ حابارلايدى "ادىرنا".
وزبەكستان رەيتينگتە البانيا مەن سيريا اراسىندا ورنالاسقان اعىلشىن ءتىلىن ءبىلۋ دەڭگەيى «وتە تومەن» دەپ باعالانعان ەلدەر توبىنا ەندى.
ورتالىق ازيانىڭ باسقا ەلدەرىنىڭ ىشىندە قازاقستان 96-شى ورىندا، قىرعىزستان - 101 جانە تاجىكستان - 103. ال تۇركىمەنستان ءتىپتى تىزىمگە ەنگەن جوق.
اعىلشىن ءتىلىن ءبىلۋ دەڭگەيى بويىنشا تىزىمدە نيدەرلاندى، اۆستريا جانە دانيا كوش باستاپ تۇر.
سوڭعى ءبىر جىلدا ادامداردىڭ ءتىل ۇيرەنۋگە دەگەن قىزىعۋشىلىعى كۇرت تومەندەدى. پاندەمياعا بايلانىستى ادامدار از ساياحاتتاي باستادى، ءىسساپارلار دا توقتاپ قالدى جانە سونىڭ سالدارىنان ءتىل ۇيرەنۋ دەڭگەيى دە تومەندەگەن سىڭايلى. 2019 جىلى ساۋالناما 100 ەل اراسىندا، ال 2021 جىلى 112 ەل اراسىندا جۇرگىزىلدى.
EF EPI 2021 ناتيجەلەرىنىڭ كەيبىرى مىناداي:
2020 جىلمەن سالىستىرعاندا 30 جاستان اسقان ادامداردا پروگرەسس بايقالادى، ال 40 جاستان اسقاندار العاش رەت ءتىلدى ورتاشا مەڭگەرۋ دەڭگەيىندەگى توپقا ەندى. بۇل تەندەنتسيالار ەرەسەكتەردىڭ مانسابىن دامىتۋ كەزىندە تىلدىك داعدىلاردى مەڭگەرۋ قابىلەتىنىڭ جوعارى ەكەنىن دالەلدەيدى.
گانا، گايتي، كونگو دەموكراتيالىق رەسپۋبليكاسى، ماداگاسكار، موزامبيك، مولدوۆا، سومالي، تانزانيا جانە وڭتۇستىك سۋدان يندەكسكە العاش رەت كىرۋ ءۇشىن جەتكىلىكتى دەرەكتەرگە يە.
"ادىرنا" ۇلتتىق پورتالى
