Áleýmettik jelide satyp alýshynyń sýpermarket qyzmetkerine málimetti orys tilinde berýdi talap etýi qyzý talqylanyp jatyr, dep habarlaıdy «Adyrna» ulttyq portaly.
Bul kórinis Astanadaǵy «Álem» saýda ortalyǵynda ornalasqan «Magnýmda» túsirilgen.
Vıdeo avtorynyń sózinshe, áıel sýpermarket qyzmetkerine túbirtek orys tilinde berilmegeni úshin jekigen.
«Ol túbirtek tili memlekettik tilde ǵana emes, orys tilinde de bolýy kerek dep sanaıdy. Táýelsizdikke otyz eki jyl bolsa da halyq túbirtekti qazaqsha oqyǵysy kelmeıdi. Bul – elimizdiń til saıasatyna berilgen baǵasy», - deıdi beınejazba avtory.
Vıdeodan satyp alýshynyń myna bir sózderin estýge bolady:
«Toqtańyz! Men eshkimge mindetti emespin! Jáshiktegi zattarǵa tóleımin. Al túbirtek meniń tilimde jazylýy kerek. Konstıtýııada qazaq jáne orys tilinde dep jazylǵan. Qalǵany maǵan mańyzdy emes».
Bul beınejazbaǵa qatysty jelide túrli pikir aıtylýda.
«Álemniń eshbir elinde bizdegideı memlekettik tilge degen kózqaras joq shyǵar. Bul qazirdiń ózinde «meniń tilimde» «Maǵan mindetti emes» dep mindetsinip jatyr», «Ony Reseıdegi otanyna jiberý kerek», «Qazaqstanda jalǵyz memlekettik qazaq tili bar», «Qazaq tilin memlekettik til retinde qaldyrý kerek, kimge kerek úırenedi», «Respýblıkanyń árbir azamaty memlekettik tildi bilýge mindetti. Qalasa da, qalamasa da», «Orys tili emes, memlekettik til - qazaq tili», - dep jazǵan jeli oqyrmandary.
Qazaqstan Respýblıkasy Konstıtýtııasynyń 7-babynda memlekettik tilge qatysty:
- Qazaqstan Respýblıkasyndaǵy memlekettik til - qazaq tili.
- Memlekettik uıymdarda jáne jergilikti ózin-ózi basqarý organdarynda orys tili resmı túrde qazaq tilimen teń qoldanylady.
- Memleket Qazaqstan halqynyń tilderin úırený men damytý úshin jaǵdaı týǵyzýǵa qamqorlyq jasaıdy delingen.
Posmotret etý pýblıkaııý v Instagram
«Adyrna» ulttyq portaly
