ارمەنيا پرەمەر-ءمينيسترى نيكول پاشينيان ءازىربايجاننىڭ جاڭا شەكارالارىن مويىندادى. وعان سايكەس تاۋلى قاراباق ازەربايجاننىڭ قۇرامىنا كىردى، دەپ حابارلايدى «ادىرنا» ءتىلشىسى تاسس-قا سىلتەمە جاساپ.
ءتيىستى قۇجاتقا گراناداداعى (يسپانيا) ەۋروپالىق ساياسي قوعامداستىقتىڭ ءسامميتى اياسىندا قول قويىلدى.
ەۋرووداق سايتىندا جاريالانعان دەكلاراتسياعا سايكەس، ءازىربايجاننىڭ اۋماعى قازىر 86,6 مىڭ شارشى مەتردى قۇرايدى.
«تاراپتار بارلىق كۇش-جىگەردى ارمەنيانىڭ (29 800 شارشى كم) جانە ازەربايجاننىڭ (86 600 شارشى كم) ەگەمەندىگىن، شەكارالارىنىڭ مىزعىماستىعى مەن اۋماقتىق تۇتاستىعىن تانۋعا نەگىزدەلگەن ەكى ەل اراسىنداعى قارىم-قاتىناستاردى جاقسارتۋعا باعىتتاماق»، - دەلىنگەن قۇجاتتا.
