ارمەنيا بيلىگى ۇجىمدىق قاۋىپسىزدىك شارت تۋرالى ۇيىمنىڭ حاتشىلىعىنا ەرەۆاننىڭ ۇيىمدى قارجىلاندىرۋعا قاتىسپايتىنىن مالىمدەدى. بۇل تۋرالى ارمەنيا سىرتقى ىستەر مينيسترلىگى جاريالادى، دەپ حابارلايدى “ادىرنا” ۇلتتىق پورتالى.
«ارمەنيا تاراپى ۇقشۇ حاتشىلىعىنا 2024 جىلعا ارنالعان «ۇقشۇ بيۋدجەتىن بەكىتۋ» شەشىمىنە قول قويمايتىنىن جانە ۇيىمنىڭ قىزمەتىن قارجىلاندىرۋعا قاتىسۋدان باس تارتاتىنىن رەسمي تۇردە حابارلادى»، - دەلىنگەن ارمەنيا سىرتقى ىستەر مينيسترلىگىنىڭ حابارلاماسىندا
وتكەن جىلى پرەمەر-مينيستر نيكول پاشينيان ۇيىمنىڭ ارمەنيا ەگەمەندىگىن قورعاۋدا قولداۋ كورسەتپەگەنىن ايىپتادى.
ارمەنيانىڭ ۇيىمنىڭ وقۋ-جاتتىعۋلارىنا قاتىسپاعانىنا ءبىر جىل بولدى.
