اقش كونگرەسى وكىلدەر پالاتاسىنىڭ سپيكەرى نەنسي پەلوسي جۇمىس ساپارىمەن ەرەۆانعا ۇشىپ كەلمەك. كونگرەسسمەندەردىڭ كەلۋىنە دايىندالىپ جاتقان ارمياندار رەسەي ديكتاتورى ۆلاديمير پۋتين بەينەلەنگەن الىپ باننەردى الىپ تاستادى. بۇل تۋرالى ۋكراينا جوعارعى راداسىنىڭ دەپۋتاتى الەكسەي گونچارەنكو تelegram ارناسىنا جاريالادى، دەپ حابارلايدى “ادىرنا” ۇلتتىق پورتالى.
ەرەۆان اۋەجايىندا ءپۋتيننىڭ سۋرەتى مەن «ماڭگى بىرگە» دەگەن جازۋى بار ۇلكەن باننەر ورنالاستىرىلعان بولاتىن. ول جەردە باننەر ءبىر-ەكى جىل ءىلۋلى تۇردى. ەندى الىنىپ تاستالدى.
گونچارەنكو باننەر پەلوسيدىڭ ساپارىنا ەمەس، رەسەيدىڭ ارمەنياعا ساتقىندىعىنا بايلانىستى الىنىپ تاستالدى دەگەن پىكىر ءبىلدىردى. ويتكەنى، ماسكەۋ ازىربايجانمەن سوعىستا ەرەۆانعا كومەكتەسۋدەن باس تارتقان ەدى.
«ءبىر-ەكى جىلدا ەكى رەت وپاسىزدىق جاساعان وداقتاستىڭ فوتوسى نەگە كەرەك؟» – دەدى ول.
ايتا كەتەيىك، پەلوسي ارمەنيا مەن ءازىربايجان اراسىنداعى قارىم-قاتىناستىڭ شيەلەنىسۋى اياسىندا ەرەۆانعا بارادى. 13 قىركۇيەككە قاراعان ءتۇنى ەكى ەلدىڭ شەكاراسىندا قاقتىعىس بولىپ، ناتيجەسىندە 135 ارميان مەن 71 ءازىربايجان قازا تاپتى. ەرەۆان باكۋدى اگرەسسيا جاسادى دەپ ايىپتاپ، ناتو-نىڭ رەسەيلىك انالوگى ۇقشۇ-دان اسكەري كومەك سۇرادى. الايدا وعان كومەكتەسۋگە باس تارتتى.
پەلوسيدىڭ ارمەنياعا ساپارى ماسكەۋ ماڭىزدى وداقتاسىنان ايىرىلۋى مۇمكىن دەگەن بەلگىنى بىلدىرمەك.
بۇعان دەيىن Dialog.UA رەسەيلىك باق اسكەري كومەكتەن باس تارتقاننان كەيىن ارمەنيانىڭ ءپۋتيننىڭ ۇقشۇ ۇيىمىنان شىعاتىنىن جاريالاپ جاتقانىن حابارلادى.
قازاقستان پۋتينگە ۇقشۇ-دان شىعۋ تۇرىندە سوققى دايىنداپ جاتقانىن دا جازعانبىز.
”ادىرنا” ۇلتتىق پورتالى
