ارمەنيا پارلامەنتى سەيسەنبى، 3 قازاندا گااگاداعى حالىقارالىق قىلمىستىق سوتتىڭ (حقك) ريم ستاتۋتىن راتيفيكاتسيالاۋعا داۋىس بەردى. 60 دەپۋتات قولداپ، 20 دەپۋتات قارسى بولدى. وسىلايشا، ارمەنيا ءوز اۋماعىندا حقك يۋريسديكتسياسىن مويىندادى. بۇل سوت بۇعان دەيىن رەسەي فەدەراتسياسىنىڭ پرەزيدەنتى ۆلاديمير ءپۋتيندى تۇتقىنداۋعا سانكتسيا بەرگەن بولاتىن، دەپ حابارلايدى «ادىرنا» ۇلتتىق پورتالى DW.com سايتىنا سىلتەمە جاساپ.
ارمەنيانىڭ حالىقارالىق-قۇقىقتىق ماسەلەلەر جونىندەگى وكىلى ەگيشە كيراكوسيان پارلامەنتتە تالقىلاۋ بارىسىندا راتيفيكاتسيالاۋ قاجەتتىلىگىن – بۇل ارمەنيا تەرريتورياسىندا اسكەري قىلمىس جاساعان جاعدايدا ءازىربايجان اسكەريلەرىن جاۋاپقا تارتۋعا مۇمكىندىك بەرەتىندىگىمەن ءتۇسىندىردى.
بۇل پىكىرگە رەسەي پرەزيدەنتىنىڭ ءباسپاسوز حاتشىسى دميتري پەسكوۆ «ارمەنيا مەن رەسەي فەدەراتسياسىنىڭ قارىم-قاتىناسى ءۇشىن «دۇرىس ەمەس شەشىم» ەكەندىگىن، سول كۇنى كرەملدە ارمەنيا باسشىلىعىنا ەرەۆانعا «الدىن الا بەرىلگەن «قوسىمشا سۇراقتار» بار ەكەنىن ايتتى.
پەسكوۆ:
«ەكى جاقتى قارىم-قاتىناس تۇرعىسىنان ارمەنيانىڭ ريم جارعىسىنا قوسىلۋى دۇرىس بولعانىنا ءاۋ باستان-اق كۇمانداندىق. ءبىز ءالى دە بۇل دۇرىس ەمەس شەشىم دەپ سانايمىز»، - دەدى.
ونىڭ ايتۋىنشا، كرمەل «ۆلاديمير ءپۋتيننىڭ قانداي دا ءبىر سەبەپتەرمەن ارمەنياعا ساپارىنان باس تارتقانىن قالامايدى».
پاشينيان «حقك-نى تانۋ ءپۋتيننىڭ قاماۋعا الۋ تۋرالى بۇيرىعىمەن، ارميان-رەسەي قاتىناستارىنا ەشقانداي قاتىسى جوق» دەپ ءتۇسىندىردى. ول ريم جارعىسىن راتيفيكاتسيالاۋدى ەرەۆان 2022 جىلدىڭ جەلتوقسانىندا ءپۋتيندى تۇتقىنداۋعا سانكتسيا بەرگەنگە دەيىن باستاعانىن ەسكە سالدى. وسىعان قاراماستان، رەسەي حقك ەرەۆاننىڭ ريم ستاتۋتىنا قوسىلۋ جوسپارىن «مۇلدەم قابىلدانبايدى» دەپ اتادى.
2023 جىلدىڭ ناۋرىزىندا حقك پۋتين مەن بالالار ومبۋدسمەنى ماريا لۆوۆا-بەلوۆانى قاماۋعا الۋعا وردەر بەردى.
سوتتىڭ پىكىرىنشە، پۋتين مەن لۆوۆا-بەلوۆا «حالىقتى (بالالاردى) ۋكراينا اۋماعىنان رەسەيگە زاڭسىز دەپورتاتسيالاۋعا بايلانىستى اسكەري قىلمىسى ءۇشىن جاۋاپتى بولادى. وردەر بويىنشا ريم ستاتۋتىن راتيفيكاتسيالاعان ەلدەر پۋتين وسى ەلدەرگە بارعان كەزدە ونى ۇستاۋعا ءماجبۇر.
«ادىرنا» ۇلتتىق پورتالى
