مەملەكەت باسشىسى قاسىم-جومارت توقاەۆ رەسەي پرەزيدەنتى ۆلاديمير پۋتينمەن تەلەفون ارقىلى سويلەستى. سويلەسۋدە ەكى ەل باسشىسى مەملەكەتارالىق ماسەلەلەرگە بايلانىستى پىكىر الماستى،- دەپ "ادىرنا" ۇلتتىق پورتالى، اقوردا سايتىنا سىلتەپ حابارلايدى.
"اڭگىمەلەسۋ بارىسىندا قاسىم-جومارت توقاەۆ ەلىمىزگە «سپۋتنيك V» ۆاكتسيناسىنىڭ قوسىمشا بولىگىن جەتكىزۋ جايىندا ءوتىنىش ءبىلدىردى.
مەملەكەت باسشىلارى ساۋدا-ەكونوميكالىق جانە اسكەري-تەحنيكالىق ىنتىماقتاستىقتىڭ قازىرگى احۋالىنا، سونداي-اق، قازاقستاندا تسيفرلىق پلاتفورما قۇرۋ تۋرالى قول جەتكىزىلگەن ۋاعدالاستىققا جوعارى باعا بەردى.
قازاقستان پرەزيدەنتى ۇشاق قۇراستىرۋ، اۆتوكولىك جاساۋ، حيميا يندۋسترياسى سالالارىنداعى بىرلەسكەن جوبالارعا كوڭىلى تولاتىنىن جەتكىزدى. ونىڭ پىكىرىنشە، بيىلعى ءساۋىر ايىندا قازان قالاسىندا ەكى مەملەكەتتىڭ ۇكىمەتتەرى اراسىندا قول قويىلاتىن 2021-2025 جىلدارعا ارنالعان ەكونوميكالىق ىنتىماقتاستىقتىڭ كەشەندى باعدارلاماسىنىڭ ماڭىزى زور بولماق.
ۆلاديمير پۋتين رەسەي مەن قازاقستان اراسىنداعى ساۋدا-ەكونوميكالىق، اسكەري-تەحنيكالىق جانە تسيفرلىق سالالار بويىنشا بايلانىستاردى نىعايتۋدىڭ ماڭىزدى ەكەنىن اتاپ ءوتتى.
تاراپتار ەۋرازيالىق ەكونوميكالىق وداقتىڭ الەۋەتىن ودان ءارى ارتتىرۋعا قاتىستى ۇستانىمدارى سايكەس كەلەتىنىن ايتىپ، سەرىكتەستىكتىڭ بۇل باعىتىندا تىعىز ىقپالداسا جۇمىس ىستەۋگە كەلىستى" دەلىنگەن اقوردا سايتىندا.
"ادىرنا" ۇلتتىق پورتالى
