بۇگىن قارتتار كۇنى ەكەن. بيلىك سايكەسىنشە قۇرمەت كورسەتۋدە. ءشاي بەرىپ، ءبىر پاكەت ۇستاتىپ دەگەندەي....
63 جاستان اسقان جىگىتتەر مەن اپايلاردى دا وسى كاتەگورياعا ەنگىزىپتى. كوڭىلىم قۇلازىپ كەتتى. ەۆروپا، تاعى باسقا دا ەلدەردىڭ بۇل جاستاعى قارتتارى تۋرالى ايتسام ءبىر كىسىلەر تاعى رەنجيدى. نەگە دامىعان مەملەكەتتەردىڭ قارتتارىمەن سالىستىراسىڭ دەپ. يا، مەن تاڭقالاتىن 70 تەن اسىپ ساياحاتتاپ، جاڭا كاسىپ مەڭگەرىپ، سپورتپەن شۇعىلدانىپ جۇرگەن قاريالار دامىعان ەلدىڭ وكىلدەرى شىعار. يا، مۇمكىن ومىرلەرى گۇل بوپ، ەش قيىندىق كورمەگەن شىعار.
بىراق بىزدەگى قيىندىق - قولدان جاسالعان سانالىق قيىندىقتار. جارتى عۇمىرىن قاجەتسىز جيىن پيىنعا، توي پويعا ارناپ وتكەن اعا بۋىن بار. جيعان تەرگەنىن، التىن ۋاقىتتارىن توي تويلاۋعا سارپ ەتكىزگەندەرى از ەمەس.
80 پايىز قارتتارىمىز ومىرىندە شەت ەل عانا ەمەس، ەل ءىشىن ارالاماعان. بالام ءوسسىن، بالا وقىسىن دەپ جيعانىن بەردى. ۋاقىتىن ارنادى. ال بالا وقۋ ەمەس ويىن قۋدى. بالامنىڭ تويى دەپ بار دۇنيەنى سالدى، ال ول ەكىنشى قاتىن الۋعا ۇمتىلدى...
كارىلىك كەلگەندە دە كورىپ جۇرگەندەرى توي. تاياعىنا سۇيەنىپ باراتىن جەرى تەك وسى توي. وسىنى ازايتۋ كەرەك. ەلىمىزدە 63 تەن اسقاندار 2 ملن. ەكەن.
تويدىڭ ورنىنا وسى كىسىلەر ەندى قالعان ۋاقىتىن ساياحاتتاۋعا ارناسا.
مىسالعا مەن شەت ەلدە جۇرگەندە قىتايلىق زەينەتكەرلەردى كوپ كورەمىن. جۇزدەرىندە كۇلكى. ريزا.
ءبىزدىڭ ەلدە دە "ساياحاتشى زەينەتكەر" دەگەن ارنايى ساياحاتتاۋعا ارنالعان باعدارلاما قاراستىرىلسا. مۇمكىن سۋبسيديا بولسا. ەل ىشىندە، شەت ەلگە ساياحاتتاسىن. ەڭ بولماسا ءبىر نەمەرەسىن الىپ جۇرۋگە رۇقسات بەرىلسە.
سوسىن نە عوي، قاريا دەپ 80-نەن اسقانداردى ايتۋ كەرەك. وعان دەيىن جاس اتا مەن اجە بوپ جۇرە بەرسىن. سپورتپەن شۇعىلدانىپ، جاڭا كاسىپتى مەڭگەرىپ، شىعارماشىلىقپەن شۇعىلدانۋ كەرەك "اتاشكالار"....
