Búgin qarttar kúni eken. Bılik sáıkesinshe qurmet kórsetýde. Sháı berip, bir paket ustatyp degendeı....
63 jastan asqan jigitter men apaılardy da osy kategorııaǵa engizipti. Kóńilim qulazyp ketti. Evropa, taǵy basqa da elderdiń bul jastaǵy qarttary týraly aıtsam bir kisiler taǵy renjıdi. Nege damyǵan memleketterdiń qarttarymen salystyrasyń dep. Iıa, men tańqalatyn 70 ten asyp saıahattap, jańa kásip meńgerip, sportpen shuǵyldanyp júrgen qarııalar damyǵan eldiń ókilderi shyǵar. Iıa, múmkin ómirleri gúl bop, esh qıyndyq kórmegen shyǵar.
Biraq bizdegi qıyndyq - qoldan jasalǵan sanalyq qıyndyqtar. Jarty ǵumyryn qajetsiz jıyn pıynǵa, toı poıǵa arnap ótken aǵa býyn bar. Jıǵan tergenin, altyn ýaqyttaryn toı toılaýǵa sarp etkizgenderi az emes.
80 paıyz qarttarymyz ómirinde shet el ǵana emes, el ishin aralamaǵan. Balam óssin, bala oqysyn dep jıǵanyn berdi. Ýaqytyn arnady. Al bala oqý emes oıyn qýdy. Balamnyń toıy dep bar dúnıeni saldy, al ol ekinshi qatyn alýǵa umtyldy...
Kárilik kelgende de kórip júrgenderi toı. Taıaǵyna súıenip baratyn jeri tek osy toı. Osyny azaıtý kerek. Elimizde 63 ten asqandar 2 mln. eken.
Toıdyń ornyna osy kisiler endi qalǵan ýaqytyn saıahattaýǵa arnasa.
Mysalǵa men shet elde júrgende qytaılyq zeınetkerlerdi kóp kóremin. Júzderinde kúlki. Rıza.
Bizdiń elde de "Saıahatshy zeınetker" degen arnaıy saıahattaýǵa arnalǵan baǵdarlama qarastyrylsa. Múmkin sýbsıdııa bolsa. El ishinde, shet elge saıahattasyn. Eń bolmasa bir nemeresin alyp júrýge ruqsat berilse.
Sosyn ne ǵoı, qarııa dep 80-nen asqandardy aıtý kerek. Oǵan deıin jas ata men áje bop júre bersin. Sportpen shuǵyldanyp, jańa kásipti meńgerip, shyǵarmashylyqpen shuǵyldaný kerek "atashkalar"....
