رەسەي فەدەراتسياسىنىڭ پرەمەر-ءمينيسترى ميحايل ميشۋستين «يننوپروم. قازاقستان-2023» حالىقارالىق ونەركاسىپتىك كورمەسىنە قاتىسادى، دەپ حابارلايدى «ادىرنا» ءتىلشىسى.
ءىس-شارا 25-27 قىركۇيەكتە استانا قالاسىنداعى «EXPO» حالىقارالىق كورمە ورتالىعىنىڭ اۋماعىندا وتەدى.
رەسەي مينيسترلەر كابينەتىنىڭ ءباسپاسوز قىزمەتىنىڭ ايتۋىنشا، ميشۋستين «جاڭا ۋاقىتتىڭ ونەركاسىپتىك ستراتەگيالارى» پلەنارلىق وتىرىسىندا ءسوز سويلەيدى. سونداي-اق ول قازاقستان، بەلارۋس جانە قىرعىزستان ۇكىمەتتەرىنىڭ باسشىلارىمەن بىرگە ماشينا جاساۋ، كەمە جاساۋ، حيميا، مەتاللۋرگيا، توقىما جانە اۆياتسيا ونەركاسىبىنە ارنالعان كورمەنىڭ تاقىرىپتىق ەكسپوزيتسيالارىن تاماشالايدى.
ايتا كەتەيىك، «يننوپروم. قازاقستان-2023» حالىقارالىق ونەركاسىپتىك كورمەسى ەلىمىزدە العاش رەت ۇيىمداستىرىلۋدا. ءىس-شاراعا 20 مەملەكەتتەن 10 مىڭعا جۋىق دەلەگات قاتىسادى دەپ جوسپارلانىپ وتىر.
بۇعان دەيىن سىرتقى ىستەر مينيسترلىگىنىڭ رەسمي وكىلى ايبەك سمادياروۆ حالىقارالىق كورمەگە رەسەي پرەمەر-ءمينيسترى ميحايل ميشۋستينمەن بىرگە بەلارۋس پرەمەر-ءمينيسترى رومان گولوۆچەنكونىڭ دا قاتىساتىنىن مالىمدەگەن ەدى.
ۇقساس جاڭالىقتار
