قازاقستاندا العاشقى اتوم ەلەكتر ستانتسياسىن (اەس) سالۋ ءۇشىن كەم دەگەندە 14 ميلليارد دوللار قاجەت. بۇل تۋرالى اتالعان نىساندى سالۋعا قاتىسىپ جاتقان رەسەيدىڭ «روساتوم» مەملەكەتتىك كورپوراتسياسىنىڭ باس ديرەكتورى الەكسەي ليحاچەۆ مالىمدەدى، دەپ حابارلايدى “ادىرنا”.
ول بۇل تۋرالى جۋرناليست اقمارال باتالوۆامەن سۇحبات بارىسىندا ايتتى. ليحاچەۆتىڭ ايتۋىنشا، بۇل سوما – باعا مەن ساپا اراسىنداعى ەڭ وڭتايلى نۇسقا.
«كەشە وتكەن ءىس-شارادا قازاقستاننىڭ اتوم ەنەرگەتيكاسى اگەنتتىگىنىڭ باسشىسى الماسادام ساتقاليەۆ ينۆەستيتسيا كولەمىن $14-15 ملرد دەڭگەيىندە اتادى. ءبىز بۇل مالىمەتتى راستايمىز جانە بۇل باعا مەن ساپانىڭ ەڭ ءتيىمدى ۇيلەسىمى دەپ سانايمىز»، — دەدى «روساتوم» باسشىسى.
ول بۇل سوما تەك اەس-ءتىڭ قۇرىلىسىن عانا ەمەس، سونىمەن قاتار ونىڭ ۇزاقمەرزىمدى پايدالانىلۋىن جوسپارلاۋعا دا قاجەت ەكەنىن اتاپ ءوتتى.
ء«بىز قازاقستانعا اەس-ءتى بىرلەسىپ سالۋمەن قاتار، ءتورتىنشى بۋىن ەنەرگەتيكاسىنا بىرگە قادام باسۋدى ۇسىنامىز»، — دەدى الەكسەي ليحاچەۆ.
ەسكە سالا كەتەيىك، الماتى وبلىسىنىڭ جامبىل اۋدانىندا اەس قۇرىلىسى ەكى اپتا بۇرىن رەسمي تۇردە باستالعان بولاتىن. جوسپارعا سايكەس، نىسان ەكى ەنەرگوبلوكتان تۇرادى، ولاردىڭ ارقايسىسىندا ۆۆەر-1200 رەاكتورى ورناتىلادى. ءدال وسىنداي رەاكتورلار تۇركياداعى «اككۋيۋ» اەس-ىندە دە پايدالانىلىپ جاتىر.
