الماتىنىڭ تۇركسىب اۋداندىق سوتىندا قازاقستاندىق ءانشى، "ۇلى دالا بالاسى" اتىمەن تانىلعان تورەعالي تورەالىگە قاتىستى قىلمىستىق ءىس قارالعانى ايتىلدى، دەپ حابارلايدى "ادىرنا" ءتىلشىسى Dalanews-كە سىلتەمە جاساپ.
قازاق ەستراداسىنىڭ ءانشىسى تورەعالي تورەالىنىڭ باسى داۋدان ارىلماعان. وسى جولى ءانشىنىڭ ۇستىنەن تاعى دا قىلمىستىق ءىس قوزعالعانى ايتىلدى. الماتى قالالىق سوتىنىڭ ءباسپاسوز قىزمەتىنىڭ حابارلاۋىنشا، تۇركسىب اۋداندىق سوتىندا ت.اليحانوۆقا (تورەعالي تورەالىگە) قاتىستى قر قىلمىستىق كودەكسىنىڭ 378-بابىنىڭ 1-بولىگى بويىنشا قىلمىستىق ءىس قارالىپ جاتىر.
"ايتا كەتسەك، قر قىلمىستىق كودەكسىنىڭ 378-بابى 1-بولىگىنە سايكەس، بيلىك وكiلiن ءوز قىزمەتتiك مiندەتتەرiن اتقارۋ كەزiندە نەمەسە ولاردى اتقارۋىنا بايلانىستى قورلاۋ – 80 ايلىق ەسەپتiك كورسەتكiشكە دەيiنگi مولشەردە ايىپپۇل سالۋعا نەمەسە 80 ساعاتقا دەيىنگى مەرزىمگە قوعامدىق جۇمىستارعا تارتۋ نە بولماسا 20 تاۋلىككە دەيىنگى مەرزىمگە قاماۋعا الۋ قاراستىرىلعان.",-دەلىنگەن حابارلامادا.
وسىدان ءبىراز ۋاقىت بۇرىن، 14 ماۋسىم كۇنى الماتىدا ەسىرتكىگە ماسايعان ءانشىنىڭ پوليتسەيلەرگە بوي بەرمەي، وقيعاعا ورنىنان قاشپاق بولعانى ءۇشىن ۇستالعانى تۋرالى ۆيدەو الەۋمەتتىك جەلىدە تاراعان بولاتىن. ول ءوز جازاسىن وتەپ، قايتا بوستاندىققا شىققان ەدى.
