Almatynyń Túrksib aýdandyq sotynda qazaqstandyq ánshi, "Uly Dala balasy" atymen tanylǵan Tóreǵalı Tóreálige qatysty qylmystyq is qaralǵany aıtyldy, dep habarlaıdy "Adyrna" tilshisi Dalanews-ke silteme jasap.
Qazaq estradasynyń ánshisi Tóreǵalı Tóreáliniń basy daýdan arylmaǵan. Osy joly ánshiniń ústinen taǵy da qylmystyq is qozǵalǵany aıtyldy. Almaty qalalyq sotynyń baspasóz qyzmetiniń habarlaýynsha, Túrksib aýdandyq sotynda T.Álıhanovqa (Tóreǵalı Tóreálige) qatysty QR Qylmystyq kodeksiniń 378-babynyń 1-bóligi boıynsha qylmystyq is qaralyp jatyr.
"Aıta ketsek, QR Qylmystyq kodeksiniń 378-baby 1-bóligine sáıkes, bılik ókilin óz qyzmettik mindetterin atqarý kezinde nemese olardy atqarýyna baılanysty qorlaý – 80 aılyq eseptik kórsetkishke deıingi mólsherde aıyppul salýǵa nemese 80 saǵatqa deıingi merzimge qoǵamdyq jumystarǵa tartý ne bolmasa 20 táýlikke deıingi merzimge qamaýǵa alý qarastyrylǵan.",-delingen habarlamada.
Osydan biraz ýaqyt buryn, 14 maýsym kúni Almatyda esirtkige masaıǵan ánshiniń polıeılerge boı bermeı, oqıǵaǵa ornynan qashpaq bolǵany úshin ustalǵany týraly vıdeo áleýmettik jelide taraǵan bolatyn. Ol óz jazasyn ótep, qaıta bostandyqqa shyqqan edi.
