Shveıarııada betti jaýyp turatyn kıimge tyıym salyndy, dep habarlaıdy “Adyrna” tilshisi.
Shveıarııa parlamenti betti jaýyp turatyn kıimdi, sonyń ishinde nıkab pen hıdjab – áıelderge arnalǵan dástúrli musylman bas kıimderin kııýge tyıym salatyn zań qabyldaǵan. Bul týraly Bloomberg agenttigi jazǵan.
Shveıarııa halqynyń 51%-y 2021 jyldyń aqpanynda ótken jalpyhalyqtyq daýys berýde betti tumshalaıtyn jabyq kıimdi kııýge tyıym salýdy jaqtap daýys bergennen keıin ǵana tyıym kúshine endi. Jańa zańdy buzǵandarǵa 1 myń frankke, ıaǵnı 1116 dollarǵa deıin aıyppul salynbaq.
Bloomberg agenttiginiń habarlaýynsha, Shveıarııadaǵy musylmandar referendým kezinde zańdy qatty synǵa alǵan. “Kúlgin bas kıimder” atty ıslamdyq áıelder tobynyń baspasóz hatshysy Ines al-Shıh Frans Shveıarııada «bar bolǵany 30 áıel paranja kıetinin» aıtty, biraq eldiń Federaldyq statıstıkalyq basqarmasynyń 2019 jyly júrgizgen saýalnamasy halyqtyń 5,5 paıyzy musylmandar ekenin kórsetken bolyp shyqty.
Eldiń Ádilet mınıstri Karın Keller-Satter referendým nátıjelerine túsinikteme bere otyryp, Federaldyq keńes pen Shveıarııa parlamentiniń betti jasyratyn kıimge tyıym salýǵa qarsy bolǵanyn atap ótti. Ol shekteý shtatta turatyn musylmandarǵa arnalmaǵanyn qosa aıtty.
