وزبەكستان ۇكىمەتىنىڭ 25 قىركۇيەكتە قابىلداعان قاۋلىسىنا سايكەس، «ءدىني تولەرانتتىق» توسبەلگىسىمەن ماراپاتتاۋ ءتارتىبى بەكىتىلدى. بۇل تۋرالى ادىلەت مينيسترلىگىنىڭ ءباسپاسوز قىزمەتى حابارلادى، دەپ جازادى "ادىرنا" پورتالى. تولىعىراق "ازاتتىق" ماتەريالىندا ايتىلدى.
مالىمەتكە قاراعاندا، مۇنداي توسبەلگى مەملەكەتتىك جانە قوعامدىق ۇيىم قىزمەتكەرلەرىنە، دىنتانۋشىلارعا، حالىقارالىق ۇيىمدار، ديپكورپۋس وكىلدەرىنە، عالىمدارعا دىنارالىق كەلىسىمگە ۇلەس قوسقانى ءۇشىن تابىستالادى.
توسبەلگىنى شەتەل ازاماتتارى مەن ازاماتتىعى جوقتار دا الا الادى. بەلگى 16 قاراشا – حالىقارالىق تولەرانتتىق كۇنى تاپسىرىلادى.
توسبەلگىدەن بولەك، ماراپاتتالعان ادامدارعا 1,32 ملن سوم نەمەسە 100 دوللاردان استام اقشالاي سىياقى بەرىلەدى.
حالىقارالىق ۇيىمدار وزبەكستاندا ءدىني ەركىندىك جوق ەكەنىن ءجيى ايتىپ ءجۇر. مىسالى، 2019 جىلى اقش مەملەكەتتىك دەپارتامەنتى وزبەكستاندى ءدىني سەنىم بوستاندىعىن بۇزاتىن ەلدەر قاتارىنا قوسقان.
ونىڭ الدىندا 2018 جىلى وسى ۇيىم وزبەكستاندى ء"دىن ەركىندىگى سالاسىندا ەداۋىر ىلگەرىلەدى" دەپ مالىمدەپ، وزبەكستاندى جوعارىدا اتالعان تىزىمنەن الىپ تاستاعان ەدى.
ال وسى كۇندەرى تاشكەنتتە ساقال قويعان ەر ازاماتتار مەن حيدجاب كيگەن ايەلدەردى ۇستاپ جاتىر. مۇنىڭ الدىندا وزبەك قالالارىندا ازان داۋسىن باسەڭدەتۋدى تالاپ ەتكەن.
ازاتتىقتىڭ وزبەك قىزمەتى دەرەككوزدەرىنىڭ مالىمەتىنشە، ۇكىمەتتىڭ 10 قىركۇيەكتەگى جينالىسىندا پرەمەر-مينيستر شەنەۋنىكتەرگە مەشىتكە بارماۋدى «ەسكەرتكەن».
ۇقساس جاڭالىقتار
