وزبەكستاننىڭ بۇرىنعى پرەزيدەنتى يسلام كاريموۆتىڭ ۇلكەن قىزى گۇلنارعا تيەسىلى 131 ملن دوللار شۆەيتساريادان ەلگە قايتارىلادى. بۇل تۋرالى وزبەكستاندىق باق جاريالادى، دەپ حابارلايدى “ادىرنا” ۇلتتىق پورتالى.
Uznews.uz سايتىنىڭ مالىمدەۋىنشە، بيىل 16 تامىزدا بەرن قالاسىندا وزبەكستان مەن شۆەيتساريا اراسىندا «شۆەيتساريادا تاركىلەنگەن زاڭسىز ساتىپ الىنعان اكتيۆتەردى وزبەكستان حالقىنىڭ يگىلىگىنە قايتارۋ تاسىلدەرى تۋرالى» كەلىسىمگە قول قويىلدى. وعان ادىلەت ءمينيسترى رۋسلانبەك داۆلەتوۆ مەن شۆەيتساريا پرەزيدەنتى ينياتسيو كاسسيس قول قويعان.
“بۇل گۇلنارا كاريموۆا باستاعان ۇيىمداسقان قىلمىستىق توپتىڭ بۇرىن زاڭسىز ساتىپ العان جانە شۆەيتساريادا زاڭداستىرىلعان 131 ملن دوللاردى (شامامەن 1,4 ترلن سۋم) وزبەكستان حالقىنا قايتارۋعا مۇمكىندىك بەرەدى”، دەپ جازىلعان وزبەكستاننىڭ ادىلەت مينيسترلىگى تاراتقان حابارلامادا.
“ادىرنا” ۇلتتىق پورتالى
