ۇلى دالا جورىعى تۋرالى ۆيدەولاردى قاراپ تۇرامىن. سوندا بايقاعانىم - شاباندوزدار دا، ولاردىڭ باپكەرلەرى دە اۋزىن اشسا: "اللانىڭ قالاۋىمەن", "اللا بۇيىرتسا", "اللاھ ريزا بولسىن", "اللاعا شۇكىر", ت.س.س. بۇل نە پالە؟
ۋاتساپپەن اعىلىپ كەلىپ جاتاتىن قاپتاعان ۆيدەولار اقىرى ءبىزدىڭ حالقىمىزدىڭ مەنتاليتەتىن بۇزعان ەكەن. تامشى تاس تەسەدى دەگەن راس ءسوز ەكەندىگىنە كوز جەتتى.
كەشەگى ەركىن كۇرەستەن چەمپيون بولاتىن جىگىتىمىز دە ساقالى ساپسيىپ اللالاپ تۇر. سپورتشىلاردىڭ كوبى سالاپيت اعىمىنا ەرگەندىگىن ەستىپ-ءبىلىپ ءجۇرمىز، الايدا ايدالادا ات باپتاپ جۇرگەن دالالىقتاردىڭ اللالاپ قالۋى ادامنىڭ كوڭىل-كۇيىن ءتۇسىرىپ-اق جىبەرەتىن نارسە.
ۇقك جۇمىستى قويدى دەپ ءجۇرمىز عوي. كەشەگى سوتتا سول ۇقك وفيتسەرى وزدەرىنە كىمنىڭ تاپسىرما بەرگەندىگىن، قاڭتاردى كىم ۇيىمداستىرعانىن ايداي الەمگە جايىپ سالدى. سوندا ولاردىڭ نەمەن اينالىسىپ جۇرگەندەرى بەلگىلى بولدى. دۇرىسىندا حالىق ونى اۋەلدەن بىلەدى، تەك سول فاكت سوت جانە الەم الدىندا ناقتى دالەلدەندى.
مۇنى ايتىپ قويىپ قاراپ وتىرۋعا تاعى بولمايدى. ۇكىمەت ساۋساعىن قيمىلداتادى دەگەنگە دە سەنۋ قيىن. ەندى نە ىستەمەك كەرەك؟ جالپى بۇكىل حالىق بولىپ مىنا ءدىني اعىمعا قارسى تۇرۋىمىز كەرەك قوي. ءوزىمىزدى ءوزىمىز قورعاماساق ۇلت رەتىندە ساقتالىپ قالۋىمىز قالاي بولار ەكەن؟ ال نە ىستەيمىز؟
ۇقساس جاڭالىقتار
ۇلتتىق قاۋىپسىزدىك كوميتەتى ۋكراينا جەرىندە ۇرىسقا قاتىسقان قازاقستاندىقتارعا قاتىستى تەرگەۋ باستادى
