بۇگىن، 30 ماۋسىمدا پرەزيدەنت قاسىم-جومارت توقاەۆ مەملەكەتتىك باسقارۋ جۇيەسىن رەفورمالاۋ تۋرالى جارلىققا قول قويدى. بۇل تۋرالى اقوردانىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
جاڭا وزگەرىس بويىنشا سىبايلاس جەمقورلىققا قارسى ءىس-قيمىل اگەنتتىگى تاراتىلىپ، ونىڭ جەدەل فۋنكتسيالارى ۇلتتىق قاۋىپسىزدىك كوميتەتىنە بەرىلەدى.
ەندى مەملەكەتتىك قىزمەت ىستەرى اگەنتتىگى سىبايلاس جەمقورلىق ساياساتىنا جانە ونىڭ الدىن الۋعا جەتەكشىلىك ەتەدى.
"قايتا ۇيىمداستىرىلعان قازاقستان رەسپۋبليكاسى سىبايلاس جەمقورلىققا قارسى ءىس-قيمىل اگەنتتىگىنىڭ (سىبايلاس جەمقورلىققا قارسى قىزمەتتىڭ) سىبايلاس جەمقورلىققا قارسى ساياساتتى قالىپتاستىرۋ مەن ىسكە اسىرۋ، سىبايلاس جەمقورلىققا قارسى ءىس-قيمىل سالاسىنداعى ۇيلەستىرۋ، سونداي-اق سىبايلاس جەمقورلىق قۇقىق بۇزۋشىلىقتار جاساۋعا ىقپال ەتەتىن سەبەپتەر مەن جاعدايلاردى بارىنشا ازايتۋ، سونداي-اق سىبايلاس جەمقورلىققا قارسى مادەنيەتتى قالىپتاستىرۋ جونىندەگى فۋنكتسيالارى مەن وكىلەتتىكتەرى قازاقستان رەسپۋبليكاسى مەملەكەتتىك قىزمەت ىستەرى اگەنتتىگىنە بەرىلسىن",—دەلىنگەن حابارلامادا.
سونداي-اق ۇقك مەن اگەنتتىك سىبايلاس جەمقورلىققا قارسى قىزمەتتىڭ قۇقىقتىق ميراسقورلارىنا اينالادى.
قاۋلىعا سايكەس، سىبايلاس جەمقورلىققا قارسى ءىس-قيمىل اگەنتتىگى قازاقستان پرەزيدەنتىنە تىكەلەي باعىناتىن جانە ەسەپ بەرەتىن مەملەكەتتىك ورگانداردىڭ تىزبەسىنەن شىعارىلدى.
