ۇلتتىق قاۋىپسىزدىك كوميتەتىنىڭ (ۇقك) قىزمەتكەرلەرى اسا ءىرى كولەمدە سينتەتيكالىق ەسىرتكىنى ءوندىرۋ مەن تاراتۋدى توقتاتتى، دەپ حابارلايدى "ادىرنا" ۇلتتىق پورتالى ۆەدومستۆونىڭ ءباسپاسوز قىزمەتىنە سىلتەمە جاساپ.
"ۇلتتىق قاۋىپسىزدىك كوميتەتىنىڭ الماتى قالاسى بويىنشا دەپارتامەنتى سينتەتيكالىق ەسىرتكىنى ءوندىرۋ مەن تاراتۋدىتوقتاتتى. 2024 جىلدىڭ 3 قاڭتارىندا الماتى قالاسىنىڭ ىرگەسىندەگى جالعا الىنعان جەكە ۇيدە جەدەل ۋاكىلدەر ەكى شەتەلدىك ازاماتتى ەسىرتكى زاتتارىن دايىنداپ جاتقان جەرىندە ۇستادى. ءتىنتۋ كەزىندە زاڭسىز اينالىمنان 30 كەلى دايىن ءونىم – «الفا-PVP» پسيحوتروپتىق زاتى، سونداي-اق 5,5 توننادان استام پرەكۋرسورلار تاركىلەندى. قولدا بار مالىمەتتەرگە سايكەس، ەسىرتكى قازاقستاندا ينتەرنەتپەن ساتۋ ارقىلى تاراتۋعا ارنالعان", - دەلىنگەن سەنبى كۇنى تاراتقان حابارلامادا.
سوت قاۋلىسىمەن سوتتالۋشىلارعا قاماۋعا الۋ تۇرىندەگى بۇلتارتپاۋ شاراسى تاعايىندالدى. قازىر سوتقا دەيىنگى تەرگەۋ امالدارى جۇرگىزىلۋدە.
"ادىرنا" ۇلتتىق پورتالى
