Ūly dala joryǧy turaly videolardy qarap tūramyn. Sonda baiqaǧanym - şabandozdar da, olardyŋ bapkerlerı de auzyn aşsa: "Allanyŋ qalauymen", "Alla būiyrtsa", "Allah riza bolsyn", "Allaǧa şükır", t.s.s. Būl ne päle?
Uatsappen aǧylyp kelıp jatatyn qaptaǧan videolar aqyry bızdıŋ halqymyzdyŋ mentalitetın būzǧan eken. Tamşy tas tesedı degen ras söz ekendıgıne köz jettı.
Keşegı erkın küresten chempion bolatyn jıgıtımız de saqaly sapsiyp allalap tūr. Sportşylardyŋ köbı salapit aǧymyna ergendıgın estıp-bılıp jürmız, alaida aidalada at baptap jürgen dalalyqtardyŋ allalap qaluy adamnyŋ köŋıl-küiın tüsırıp-aq jıberetın närse.
ŪQK jūmysty qoidy dep jürmız ǧoi. Keşegı sotta sol ŪQK ofiserı özderıne kımnıŋ tapsyrma bergendıgın, Qaŋtardy kım ūiymdastyrǧanyn aidai älemge jaiyp saldy. Sonda olardyŋ nemen ainalysyp jürgenderı belgılı boldy. Dūrysynda halyq ony äuelden bıledı, tek sol fakt sot jäne älem aldynda naqty däleldendı.
Mūny aityp qoiyp qarap otyruǧa taǧy bolmaidy. Ükımet sausaǧyn qimyldatady degenge de senu qiyn. Endı ne ıstemek kerek? Jalpy bükıl halyq bolyp myna dıni aǧymǧa qarsy tūruymyz kerek qoi. Özımızdı özımız qorǧamasaq ūlt retınde saqtalyp qaluymyz qalai bolar eken? Al ne ısteimız?
Ūqsas jaŋalyqtar
