بورتىندا قازاقستاندىقتار بولعان ۇشاق شۇعىل تۇردە ءنوۆوسىبىر وبلىسىنداعى ەگىستىككە قوندى

ۇشاق نوۆوسىبىردەن 180 شاقىرىمداي جەردەگى ۋبينسك وبلىسىنداعى بيداي القابىنا قوندى. بورتتا 170 ادام، ونىڭ ىشىندە 23 بالا بولعان، بىراق ەشكىم زارداپ شەككەن جوق. اۋە كومپانياسى ۇشاق توتەنشە جاعدايدا ءساتتى قونعانىن راستادى. كومەك بەرۋ ءۇشىن ومبىدان قۇتقارۋشىلارى بار ان-26 ۇشاعى شىقتى، توتەنشە جاعداي ايماعىنا اۆتوبۋستار جونەلتىلدى. پروكۋراتۋرا تەرگەۋدى باستادى. ءنوۆوسىبىر وبلىسى بويىنشا تجم باسقارماسى ۇشاقتا التى ەكيپاج مۇشەسى، ال جولاۋشىلار اراسىندا 21 بالا بولعانىن ناقتىلايدى. Baza بورتىندا قازاقستاننىڭ ءتورت ازاماتى بولعانىن ايتادى. ءنوۆوسىبىر وبلىسىنىڭ دەنساۋلىق ساقتاۋ مينيسترلىگى جولاۋشىلاردىڭ ەشقايسىسى جاراقات الماعانىن راستادى. "جەرگىلىكتى جەردە قان قىسىمىنىڭ جوعارىلاۋىنا بايلانىستى ءبىر ادامعا عانا كومەك قاجەت بولدى", - دەپ اتاپ ءوتتى ۆەدومستۆودان.