ورتالىق كوممۋنيكاتسيالار قىزمەتىندە وتكەن بريفينگتە باسەكەلەستىكتى قورعاۋ جانە دامىتۋ اگەنتتىگى توراعاسىنىڭ ءبىرىنشى ورىنباسارى رۋستام احمەتوۆ جاڭا جىل قارساڭىندا ازىق-تۇلىك باعاسىن شەكتەۋ قانشالىقتى شىنايى دەگەن سۇراققا پىكىر ءبىلدىردى، دەپ حابارلايدى "ادىرنا" ۇلتتىق پورتالى Zakon.kz-كە سىلتەمە كورسەتە وتىرىپ.
رۋستام احمەتوۆ جاڭا جىلعا دەيىن ازىق-تۇلىك باعاسى قىمباتتامايتىنىڭ ايتتى.
ء"يا، بۇل راس. پرەمەر-مينيستر ء(اليحان سمايىلوۆ. – رەد.) العا قويعان مىندەت – جىل سوڭىنا دەيىن 20 پايىزدان اسپايدى. ياعني، قازىر بىزدە الەۋمەتتىك ماڭىزى بار ازىق-تۇلىك تاۋارلارىنىڭ ءوسىمى 19,6 پايىز شاماسىندا. جاڭا جىل قارساڭىندا ازىق-تۇلىك باعاسى كۇرت كوتەرىلمەۋى كەرەك دەگەن مىندەت قويدى، قازىر وسى تاپسىرمانى پىسىقتاپ جاتىرمىز", - دەدى رۋستام احمەتوۆ.
بايانداماشى باعانىڭ ءوسۋى بىرقاتار فاكتورلارمەن، سونىڭ ىشىندە ەكونوميكالىق كەلەڭسىزدىكتەرمەن جانە نارىق سۋبەكتىلەرىنىڭ زاڭسىز ارەكەتتەرىمەن بايلانىستى ەكەنىن اتاپ ءوتتى. سونىمەن قاتار، تۇتىنۋشىلار ازىق-تۇلىك باعاسىن زاڭسىز كوتەرگەندەردىڭ ۇستىنەن دالەل كورسەتە وتىرىپ، شاعىم تۇسىرە الاتىنىن ايتىپ ءوتتى.
"ەگەر تۇتىنۋشىنىڭ قولىندا بۇل اقپارات بولسا، وندا ول باسەكەلەستىكتى قورعاۋ جانە دامىتۋ اگەنتتىگىنە جۇگىنە الادى", - دەدى رۋستام احمەتوۆ.
"ادىرنا" ۇلتتىق پورتالى
