بەلگىلى ءداستۇرلى ءانشى رامازان ستامعازيەۆ دومبىرانى ارامعا ساناعاندارعا پىكىر ءبىلدىردى. بۇل تۋرالى ول ءوزىنىڭ Facebook پاراقشاسىندا جازدى، دەپ حابارلايدى “ادىرنا” ۇلتتىق پورتالى.
“قۇرمەتتى اعايىن!
كەيىنگى كەزدە وسىنداي اۋزى باسىن تۇك باسقان دۇنشىلدەردىڭ قيسىق ۋاعىزدارىن ەستىپ جاعاڭدى ۇستايسىڭ. قازاق قازاق بولعالى دومبىرامەن جاساسىپ كەلەدى ەمەس پە؟! حالىقتىق ءان جىرلارى ايتىلىپ، سالت -سانامىزدى تاربيەلەپ جەتكىزىپ كەلە جاتقان جوقپىز با؟ جالپى قازاقتى دومبىراسىز قالاي ەلەستەتۋگە بولادى، مۇمكىن ەمەس. ەندەشە مىنا ساقالدىنىكى نە ساندىراق…
ەل ىشىنە وت سالىپ،حالىقتىڭ داستۇرىنە ءتىل تيگىزىپ،دومبىرانى قورلاعان مىنانداي ادامداردى زاڭ الدىندا قاتاڭ ەسكەرتۋسىز جازالاۋ كەرەك. ەگەر قازاقستان جەرىندە جەر باسىپ جۇرسە. دومبىرامەن يسلامدى ءبىر -بىرىنە قارcى قويۋ دۇرىس ەمەس، قاتە ۇعىم”،-دەپ جازدى رامازان ستامعازيەۆ
