وقۋ-اعارتۋ ءمينيسترى عاني بەيسەمباەۆ ۇكىمەت كۋلۋارىندا 15 ملن تەڭگەگە ساتىلىپ كەتكەن مەكتەپكە قاتىستى پىكىر ءبىلدىردى، دەپ حابارلايدى «ادىرنا» ءتىلشىسى.
ايتۋىنشا، قازىر بۇل ماسەلە باقىلاۋدا.
«ماسەلەنى قاداعالاۋدا ۇستاپ وتىرمىز. ەندى انىقتايمىز. بۇعان دەيىن ساتىلىپ كەتكەن دۇنيەلەر عوي. ونىڭ سەبەپتەرىن انىقتايتىن بولامىز. قازىرگى تاڭدا بىزدە تىركەۋدە تۇرعان مەكتەپتەردىڭ بارلىعى تەكسەرىلىپ جاتىر. مەن ول تۋرالى ناقتى اقپارات ايتا المايمىن. بۇل جاعدايعا بايلانىستى ءبىز رەسپۋبليكاداعى بارلىق مەكتەپتى تەكسەرىپ، رەۆيزيا جۇمىستارىن جۇرگىزەتىن بولامىز»،—دەدى باسقارما باسشىسى.
ايتا كەتەيىك، بۇعان دەيىن ءماجىلىس دەپۋتاتى ماقسات تولىقباي الماتى وبلىسى قاراساي اۋدانى شالقار اۋىلىندا 250 بالاعا ارنالعان لومونوسوۆ اتىنداعى ورتا مەكتەپتىڭ 15 ملن تەڭگەگە ساتىلىپ كەتكەنىن مالىمدەگەن بولاتىن.
