زەلەنسكي ۋكراينانىڭ قورعانىس ءمينيسترى الەكسەي رەزنيكوۆتى قىزمەتىنەن اۋىستىرۋ تۋرالى شەشىم قابىلدادى، دەپ حابارلايدى "ادىرنا" ۇلتتىق پورتالى.
كەشكى ۇندەۋىندە ۆلاديمير زەلەنسكي:
"وسى اپتادا پارلامەنتتەن كادرلىق شەشىم قابىلداۋ جايى سۇرالادى. قازىر ناقتىلاۋىم كەرەك. مەن ۋكراينانىڭ قورعانىس ءمينيسترىن اۋىستىرۋ جايلى شەشىم قابىلدادىم", - دەدى.
ونىڭ ايتۋىنشا، "مينيسترلىككە اسكەري جانە جالپى قوعاممەن ءوزارا ارەكەتكە بويلاۋدىڭ جاڭا تاسىلدەرى، باسقا فورماتتارى قاجەت".
جاڭا قورعانىس ءمينيسترى رەتىندە زەلەنسكي رۇستەم ۋمەروۆتىڭ كانديداتۋراسىن ۇسىندى.
ۋمەروۆ مەملەكەتتىك مۇلىك قورىنىڭ باسشىسى جانە جوعارعى رادا دەپۋتاتى، ال بۇعان دەيىن قىرىم تاتار حالقىنىڭ كوشباسشىسى مۇستافا دجەميلەۆتىڭ كومەكشىسى بولعان. ۋمەروۆ، سونىمەن قاتار، 2022 جىلى، كوكتەمىنىڭ باسىندا، رەسەي مەن ۋكراينا اراسىنداعى كەلىسسىوزدەرگە قاتىسىپ، ۋكراينا دەلەگاتسياسىنىڭ قۇرامىندا بولدى.
كەلىسسوزدەردەن ءبىر اي وتكەن سوڭ، ۋمەروۆتىڭ كەلىسسىوز بارىسىندا ۋلانىپ قالعانى ايتىلدى. كەيىن ۋمەروۆتىڭ ءوزى ۋلانۋ تۋرالى اقپاراتتى جوققا شىعاردى.
"ادىرنا" ۇلتتىق پورتالى
