Zelenskıı Ýkraınanyń Qorǵanys mınıstri Alekseı Reznıkovty qyzmetinen aýystyrý týraly sheshim qabyldady, dep habarlaıdy "Adyrna" ulttyq portaly.
Keshki úndeýinde Vladımır Zelenskıı:
"Osy aptada Parlamentten kadrlyq sheshim qabyldaý jaıy suralady. Qazir naqtylaýym kerek. Men Ýkraınanyń qorǵanys mınıstrin aýystyrý jaıly sheshim qabyldadym", - dedi.
Onyń aıtýynsha, "mınıstrlikke áskerı jáne jalpy qoǵammen ózara áreketke boılaýdyń jańa tásilderi, basqa formattary qajet".
Jańa qorǵanys mınıstri retinde Zelenskıı Rústem Ýmerovtyń kandıdatýrasyn usyndy.
Ýmerov Memlekettik múlik qorynyń basshysy jáne Joǵarǵy Rada depýtaty, al buǵan deıin Qyrym tatar halqynyń kóshbasshysy Mustafa Djemılevtiń kómekshisi bolǵan. Ýmerov, sonymen qatar, 2022 jyly, kókteminiń basynda, Reseı men Ýkraına arasyndaǵy kelissiózderge qatysyp, Ýkraına delegaııasynyń quramynda boldy.
Kelissózderden bir aı ótken soń, Ýmerovtyń kelissióz barysynda ýlanyp qalǵany aıtyldy. Keıin Ýmerovtyń ózi ýlaný týraly aqparatty joqqa shyǵardy.
"Adyrna" ulttyq portaly
