جۇمباق جاعدايدا قايتىس بولعان اتىراۋلىق جاس سارباز دا تانىس-تامىرىنان اقشا سۇراعان. بۇل تۋرالى جۋرناليست ەربول ماندىبەك Facebook پاراقشاسىنا جازبا قالدىردى، دەپ حابارلايدى “ادىرنا” ۇلتتىق پورتالى.
“سوندا بۇل نە؟ اسكەر ما؟ الدە حالىقتىڭ بالاسىن جيناپ الىپ اقشا سۇراتاتىن قۇپيا قۇرىلىم با؟اللووو برات قالايسىڭ؟ رەنجىمەسەڭ 5 مىڭ اتىپ جىبەرەسىڭ با!
اسكەرگە كەتكەن بالانىڭ ءبارى وسىلاي اقشا سۇرايدى. ءوزىم بىلەتىن تۋىستاردىڭ اسكەردەگى ۇلدارى وسىلاي تالاي حابارلاستى.
قورعانىس مينيسترلىگىنىڭ اتاۋىن وزگەرتۋ كەرەك سياقتى. وسىلارعا سەنىپ حالىق بالاسىن اسكەرگە جىبەرىپ جاتىر. بارمايمىن دەگەندەرىن كوشەدەن ۇستاپ الىپ اكەتۋدە. اقىر اياعى قانشاما اتا-انا ايدىڭ كۇننىڭ امانىندا ساپ-ساۋ بالاسىنىڭ سۇيەگىن قۇشاقتاپ زار يلەۋدە.
سوندا بۇل نە؟ اسكەر ما الدە حالىقتىڭ بالاسىن جيناپ الىپ اقشا سۇراتاتىن قۇپيا قۇرىلىم با؟
قورعانىس مينيسترلىگىنىڭ قاپتاعان شەندىلەرى. سەندەر وسى گەنەرال دەگەن اتاق-شەندى قايتا شەشىپ تاستايسىڭدار-اۋ. ەگەر ۇياتتارىڭ، نامىستارىڭ بولسا. اسكەردەگى قايعى ارا-تۇرا ەمەس ءجيى-ءجيى بولىپ كەتتى. ۇياتتارىڭ، نامىستارىڭ بولسا ەندىگى ءبىر ناتيجە شىعاراتىن بولدىڭدار عوي.
سوندىقتان، قر قورعانىس ءمينيسترى رۋسلان جاقسىلىقوۆ قىزمەتتەن ءوز ەركىمەن كەتۋى ءتيىس. ەلدىڭ اسكەردەگى بالاسىنا اكە بولا المادىڭىز. جالپى ءبىزدىڭ اسكەري سالادا سولداتقا "قاتال اكە" بولاتىنداي بىرەۋ بار ما ءوزى؟”، دەپ جازدى ول.
