نيگەر حالقى كوتەرىلىس جاساپ، فرانتسۋز ەلشىسى مەن اسكەرلەرىنىڭ ەلدەن كەتۋىن تالاپ ەتتى. بۇل تۋرالى Al Jazeera جازدى، دەپ حابارلايدى “ادىرنا” ۇلتتىق پورتالى.
نيگەر باسپا اگەنتتىگىنىڭ (نبا) مالىمەتىنشە، نيگەر سوتى فرانتسيا ەلشىسىن ەلدەن شىعارۋ تۋرالى قاۋلى قابىلدادى.
Al Jazeera باسىلىمىنىڭ اقپاراتى بويىنشا، نارازىلىق بىلدىرۋشىلەر فرانتسۋز اسكەري بازاسىنىڭ جانىنا جينالىپ، ەلشى مەن 1500-گە جۋىق ساربازدىڭ كەتۋىن سۇراعان. 26 شىلدەدە بيلىكتى باسىپ العان نيگەر اسكەري ۇكىمەتى فرانتسيا پرەزيدەنتى ەممانۋەل ماكروندى ەلگە كولونيزاتسيا جاساۋدا دەپ ايىپتادى.
ماكرون تاقتان تايدىرىلعان پرەزيدەنت موحامەد بازۋمدى قولداپ، نيگەردىڭ جاڭا بيلەۋشىلەرىن مويىنداماي قويدى.
ال نيگەر سىرتقى ىستەر مينيسترلىگى فرانتسيا ەلشىسى سيلۆەن يتتە ەندى ديپلوماتيالىق يممۋنيتەتكە يە ەمەس ەكەنىن مالىمدەدى. ۆەدومستۆو سونىمەن قاتار پوليتسياعا فرانتسيا ەلشىسىن ەلدەن شىعارۋعا كىرىسۋ بويىنشا تاپسىرما بەرىلگەنىن اتاپ ءوتتى.
سوت جاڭا بيلىكتىڭ تالاپ ارىزىنا جاۋاپ رەتىندە فرانتسيانىڭ نيگەردەگى بۇرىنعى ەلشىسى سيلۆەن يتتەنى ەلدەن شىعارۋ تۋرالى قاۋلى قابىلدادى، - دەپ حابارلادى اگەنتتىك.
ەلشىنى وتكەن اپتادا پەرسونا نون گراتا دەپ جاريالاعان. بىراق ول بەلگىلەنگەن 48 ساعات ىشىندە ەلدەن كەتپەگەن، سوندىقتان ونىڭ ديپلوماتيالىق كارتاسى مەن ۆيزاسى جويىلدى. سول سەبەپتى نيگەر بيلىگىنىڭ تالاپ ارىزىندا سايكەس، يتتەنىڭ افريكا ەلىنىڭ اۋماعىندا ودان ءارى بولۋى زاڭسىز دەپ سانالادى.
ۆەنا كونۆەنتسياسىنا سايكەس، يتتەنى بارلىق ديپلوماتيالىق ارتىقشىلىق پەن ديپلوماتيالىق يممۋنيتەتتەن ايىرعان.
