دونالد ترامپ Twitter پاراقشاسىندا ۆاشينگتونداعى نارازىلىققا شىققاندارعا ارنايى جازبا قالدىردى دەپ جازادى «ادىرنا» ۇلتتىق پورتالى ريا-نوۆوستي اگەنتتىگىنە سىلتەمە جاساپ.
كاپيتولياداعى نارازىلىق بىلدىرۋشىلەرگە بەينە حابارلاما جاساعان دونالد ترامپ ارادا ءبىر ساعات وتەر-وتپەس نارازى توپقا ۇيلەرىنە قايتۋدى، تاراۋدى ايتىپ ءوتىندى. "سايلاۋداعى قاسيەتتى جەڭىستى ۇلى پاتريوتتاردان سونشالىقتى سالتاناتتى جانە اگرەسسيۆتى تۇردە العان كەزدە بولاتىن جاعدايلار مەن وقيعالار بار. ۇيگە سۇيىسپەنشىلىكپەن جانە تىنىشتىقپەن قايتىڭىز. بۇل كۇندى ماڭگى ەستە ساقتاڭىز!"- دەپ جازدى ترامپ Twitter-دە.
Twitter بۇل حابارلامانى وسىعان دەيىنگى بەينە حابارلاما سياقتى، بىردەن "سايلاۋدى بۇرمالاۋ"تۋرالى مالىمدەمەگە بايلانىستى داۋلى دەپ اتادى. سونىمەن قاتار Twitter ترامپتىڭ بۇل جازباسىنا ەشبىر بەلگى قويۋعا نەمەسە بولىسۋگە بولمايتىن ەتىپ بەلگى قويدى.
ەسكە سالساق، بۇعان دەيىن كاپيتولي توبەسىندە تارتىپسىزدىكتەر ورىن الىپ، ترامپتىڭ نارازىلىق بىلدىرۋشىلەرى كونگرەسس عيماراتىنا كىردى. كەم دەگەندە ءبىر ادام قايتىس بولدى. بۇعان دەيىن ترامپ ءوز جاقتاستارىنىڭ الدىندا ميتينگ وتكىزىپ، ولاردى كاپيتولياعا بارۋعا شاقىرعان ەدى.
