پاكىستان تۇرعىندارى قالا كوشەلەرىندە پرەمەر-مينيستر يمران حاندى وتستاۆكاعا جىبەرگەن ەل ۇكىمەتىنە قارسى جاپپاي نارازىلىق شەرۋلەرىن ۇيىمداستىردى، دەپ حابارلايدى «ادىرنا» ۇلتتىق پورتالى.
ايتا كەتەيىك، يمران حان ونىڭ وتستاۆكاعا كەتۋگە كەلىسپەدى، مۇنى شەتەلدىك دەرجاۆانىڭ ارانداتۋى دەپ اتادى.
ساياساتكەر جانە بۇرىنعى كاسىپقوي كريكەتشى ءوزىنىڭ قورعانىسىنداعى ازاماتتاردىڭ نارازىلىعىنا جاۋاپ بەرىپ، الەۋمەتتىك جەلىدە پاكىستان تاريحىندا بۇرىن-سوڭدى مۇنداي ۇلكەن توبىر «الاياقتار باسقاراتىن شەتەلدىك ۇكىمەتتى قابىلداماي» نارازىلىق بىلدىرمەگەنىن جازدى.
ەسكە سالايىق، 2018 جىلدان بەرى پرەمەر-مينيستر قىزمەتىن اتقارعان يمران حان سەنىمسىزدىك ۆوتۋمىن جوعالتقاننان كەيىن قىزمەتىنەن بوساتىلعان بولاتىن. وپپوزيتسيالىق ساياساتكەرلەر مۇنداي ۇسىنىستى وتكەن جەكسەنبىدە كوتەردى. وعان يمران حان جاۋاپ رەتىندە پارلامەنتتى تاراتىپ، مەرزىمىنەن بۇرىن سايلاۋدى تاعايىندادى. كەيىن جوعارعى سوت ونىڭ مۇنداي ارەكەتتەرىن زاڭسىز دەپ تانىدى. ساياساتكەردىڭ ءوزى قارسىلاستارىن اقش-پەن كەلىسىپ، ونى ورنىنان الۋ ءۇشىن ايىپتادى
«ادىرنا» ۇلتتىق پورتالى
