شىڭعىس مۇقان: ءاربىر بەسىنشى جوعارى ءبىلىمدى تۇلەك تاكسيشى نە كۋرەر بولىپ جۇمىس ىستەيدى

2957
Adyrna.kz Telegram

قازاقستاندا ءاربىر بەسىنشى جوعارى ءبىلىمدى تۇلەك ءيا تاكسيشى، ءيا تاماق تاسۋشى بولىپ جۇمىس ىستەيدى.

ويلاندىراتىن دەرەك. ەس جيعىزاتىن شىندىق. بىردەن باسىن اشىپ الايىق، جان باعۋدىڭ كەز كەلگەن زاڭدى جولىنا قارسىلىق جوق.

ايتپاعىم، جۋىردا ويداي ءبىلىم گرانتى ءبولىندى، جىلدا بولىنەدى. گرانت الماعان كۇننىڭ وزىندە تاكسيشى، تاماق تاسۋشى جىگىتتەر اتا-اناسىنىڭ قارجىسىنىڭ ەسەبىنەن كەمى 4 جىلىن سارپ ەتىپ وقيدى. تاكسيشى نە تاماق تاسۋشى بولۋ ءۇشىن ديپلومنىڭ قاجەتى نە دەگەن زاڭدى سۇراق تۋادى.

بۇل نەنى ءبىلدىرۋى مۇمكىن؟

1) پروفوريەنتاتسيا ناشار، ياعني وقۋشىلار كىم بولعىسى كەلەتىنىن ناقتى بىلمەيدى. ومىرلىك شەشىم كەزدەيسوق قابىلدانادى. بۇل تۇجىرىمدى راستاۋ ءۇشىن مەكتەپ تۇلەكتەرىنىڭ اراسىندا الەۋمەتتىك زەرتتەۋ جۇرگىزۋ كەرەك.

2) ديپلوم العان مامانداردىڭ بىلىكتىلىگى تومەن، ياعني مامان بولىپ جۇمىس ىستەۋگە كۆاليفيكاتسياسى جەتپەيدى، سودان كەزدەيسوق ءىستى مىسە تۇتادى. بۇل تۇجىرىمدى دا تەرەڭ زەرتتەۋ قاجەت. بۇل ويعا ءوز سالام تۇرتكى بولدى. ماسەلەن، اۋدارماشى دايىندايتىن ۋنيۆەرسيتەت كوپ، الايدا اۋدارماشىلار تاپشى.

3) جالپى جۇمىسسىزدىق — ءبىلىمنىڭ ەمەس، ەڭ الدىمەن ەكونوميكانىڭ ماسەلەسى. سوندىقتان ەكونوميكا ءارتاراپتانباي، ونەركاسىپ كوبەيمەي، جاستار وسىلاي كەزدەيسوق جۇمىستى ىستەي بەرمەك.

شىنى كەرەك، جاستاردى ايايمىن. زەرتحانالاردا عىلىممەن اينالىسىپ، جاڭالىق اشىپ، ءيا بولماسا باسقا دا قوسىمشا قۇنى كوپ ىسپەن اينالىسۋدىڭ ورنىنا جاستىق شاعىن ماقساتى تاماق تابۋدان اسپايتىن ىسكە قور قىلىپ ءجۇر. ولاردىڭ باسىم بولىگى، ەگەر ءبارى بولماسا، قازاقتىلدى، قازاق مەكتەبىن بىتىرگەن جاستار ەكەنىنە ءباس تىگەمىن. ال سىزدەر اتا-انالار بالالارىن قازاق مەكتەپتەرىنە بەرمەيدى دەيسىزدەر.

بۇل دا زەرتتەۋگە سۇرانىپ تۇرعان ءىس. قازاق جانە ورىس مەكتەپتەرىن، قازاق جانە ورىس فاكۋلتەتتەردە وقىعان تۇلەكتەردىڭ تاعدىرىن تەرەڭ زەرتتەۋ قاجەت. قاي توپ قانشالىقتى ماماندىعى بويىنشا جۇمىس ىستەپ ءجۇر؟ قاي توپتىڭ ەڭبەكاقىسى جوعارى؟ جانە نەگە؟ وتە قىزىق تاقىرىپ.

شىڭعىس مۇقان

Реклама
  • ИП Попов А.П.
  • ИНН: 602715631406
1 чайная ложка на ночь и все - потенция сильнее, чем в 20 лет
Реклама
  • ИП Попов А.П.
  • ИНН: 602715631406
Женатым лучше не смотреть: танец роскошной Татьяны (видео)
Реклама
  • ИП Попов А.П.
  • ИНН: 602715631406
Танец на выпускном взорвал сеть: смотреть без детей
پىكىرلەر