«اق جول» ءبىلىمدى جاستاردىڭ ەلدەن كەتۋى مەن ۇبت-عا بالاما رەتىندە قابىلداۋ ەمتيحاندارىن ەنگىزۋ ماسەلەسىن كوتەردى. فراكتسيانىڭ ءتيىستى دەپۋتاتتىق ساۋالىن ءماجىلىس دەپۋتاتى ايگۇل جۇماباەۆا جاريالادى، دەپ حابارلايدى “ادىرنا” ۇلتتىق پورتالى.
«اق جول» فراكتسياسىنىڭ دەپۋتاتتارى قر پرەمەر-ءمينيسترىنىڭ ورىنباسارى ە. ل. توعجانوۆقا ۇندەۋ جولدادى.
«اق جولعا» ۇبت جانە ۇلتتىق تەستىلەۋ ورتالىعىنا قاتىستى ماسەلەلەر بويىنشا اتا-انالار مەن مۇعالىمدەر جۇگىنۋدە. مەملەكەتتىك كاسىپورىن 30 جىل بۇرىن ءبىلىم بەرۋ ساپاسىن باعالاۋ راسىمدەرىن ۇيىمداستىرۋ ءۇشىن قۇرىلعان. قازىر بۇل سالاداعى ءابسوليۋتتى مونوپوليست. سوڭعى ۋاقىتتان بەرى ۇبت-نىڭ تەحنيكالىق بولىگى، ونىڭ ىشىندە ارقايسىسى 6 مىڭ تەڭگەدەن 4 سىنامالىق اقىلى تەستىلەۋ، ورتالىق بەلگىسىز ءبىر سەبەپتەرمەن «يۋ-ستادي» جەكە كاسىپورنىنا تاپسىردى، بۇل جاڭا پروبلەمالاردىڭ تۋىنداۋىنا الىپ كەلدى”، دەلىندى ۇندەۋدە.
ولاردىڭ ايتۋىنشا، «يۋ-ستادي» تەستىلەۋ پۋنكتتەرىنىڭ كوپشىلىگى وبلىس ورتالىقتارىندا ورنالاسقان، ال جول شىعىندارى اتا-انالارعا جۇكتەلگەن. ۇبت تۇلەكتەردىڭ قورىتىندى اتتەستاتسياسى ەمەس ەكەنىنە قاراماستان، ونىڭ ناتيجەلەرى مەكتەپ رەيتينگىنە اسەر ەتۋدى جالعاستىرۋدا. سوندىقتان ءبىتىرۋ سىنىبى مۇعالىمدەرگە تولەنبەيتىن ۇبت دايىندىق كۋرسىنا اينالاتىنىن ايتتى.
“تاريح ءپانى مۇعالىمدەرى اتاپ وتكەندەي، ۇسىنىلعان سايتتاردا اقپارات ۇبت بازاسىنا سايكەس كەلمەيدى، ولاردىڭ نەگىزىندە وسى بازا دايىندالىپ جاتقان ناقتى انىقتالعان وقۋلىقتار دا جوق. ەگەر ساباقتاردا ولار بالالارعا سەبەپ-سالدار بايلانىسىن انىقتاۋعا ۇيرەتسە، وندا ۇبت ماسەلەلەرىندە بۇكىل تاريح تسيفرلاردا جانە ەكىنشى دارەجەلى وقيعالاردىڭ مىسالىندا بەرىلگەن. ۇبت جانە مەكتەپ باعدارلامالارىنىڭ تەستتىك بازاسى ءارتۇرلى مازمۇنعا يە. بارلىق پاندەر بويىنشا وسىنداي ەسكەرتۋلەر بار”،- دەدى «اق جول» فراكتسياسىنىڭ دەپۋتاتتارى.
بۇرىنعىداي سىناق ۇبت-دا بالالار وزىمەن بىرگە الا الاتىن تەستتىڭ قاعاز نۇسقاسى جوق ەكەنىن جانە ولار سۇراقتاردى ەستە ساقتاي المايدى، ال يۋ-ستادي كەرى بايلانىس ەمەس تەك ۇپاي بەرەتىنىن ايتا كەلە، “قاتەلەرمەن قالاي جۇمىس ىستەۋ كەرەك؟” دەگەن ساۋال تاستادى.
“ەگەر تۇلەك ءبىزدىڭ ۇبت-نى تاپسىرا الماسا، جوو-نا تۇسە المايدى. الايدا، كەيبىر مەكتەپتەردە شەتەلدە وقۋدى جوسپارلاعان «التىن بەلگىگە» ۇمىتكەرلەر تەستىلەۋگە بارۋعا مىندەتتەلەدى. ۇبت ءبىزدىڭ تۇلەكتەرىمىزدىڭ ەلدەن كەتۋىنىڭ تىكەلەي سەبەبى عانا ەمەس، سونىمەن قاتار ۇزدىكتەرگە قىسىم جاساۋ قۇرالى بولىپ وتىر. ءبىزدىڭ فراكتسيا ۇبت-نىڭ داۋلى سيپاتى، ونىمەن بايلانىستى كۇيزەلىستەر مەن دانىشپاندار اعىنى پروبلەماسىن بىرنەشە رەت كوتەرگەن بولاتىن. جىل سايىن مىڭداعان دارىندى بالالار ۇبت-دان باس تارتىپ، شەتەلدىك جوعارى وقۋ ورىندارىنا كەتىپ قالادى”،- دەدى ولار.
جوعارىدا ايتىلعاندارعا بايلانىستى «اق جول» فراكتسياسى كەلەسىنى قاجەت دەپ سانايدى:
- تەست تاپسىرمالارىنىڭ ساپاسىن جاقسارتۋ، دۇرىس ەمەس تاپسىرمالاردى الىپ تاستاۋ ءۇشىن تەست تاپسىرمالارىنىڭ بازاسىنا قولجەتىمدىلىكتى اشۋ.
- اۋدان ورتالىقتارى مەن ءىرى كەنتتەردەگى تەستىلەۋ پۋنكتتەرىن قالپىنا كەلتىرۋ.
- ۇبت-دان باسقا جوو-عا ءتۇسۋ ەمتيحاندارى ارقىلى ءتۇسۋدىڭ بالامالى نۇسقاسىن ەنگىزۋ.
«اق جول» فراكتسياسى مەملەكەتتىك كاسىپورىنداردىڭ جاۋاپكەرشىلىگى مەن ولاردىڭ بيۋدجەتتەرىنىڭ پارلامەنت الدىنداعى ەسەپتىلىگى ماسەلەلەرىن ۇنەمى كوتەرىپ وتىرادى. وسىعان بايلانىستى، كەلەسى اقپاراتتى ۇسىنۋدى سۇرايمىز:
1. جىل سايىن ۇلتتىق تەستىلەۋ ورتالىعىنا قانداي سوما جانە قانداي ماقساتتارعا بولىنەدى؟
2. جەكە تۇلعالاردىڭ شوتتارىنا سىناق تەستىلەرى ءۇشىن بەيرەسمي اقشا جيناۋ قانداي نەگىزدە جۇرگىزىلەدى؟
ارمان سەرىكۇلى،
“ادىرنا” ۇلتتىق پورتالى
