"پاتريوت" بولۋ تۋرالى اقىل-كەڭەس بەرەتىن باسشىلارعا ايتارىم، بىزدە بانكتەردەن نەسيەنى 20-25%-پەن الىپ، قينالسا دا ونى ۋاقىتىلى جاۋىپ جۇرگەن ازاماتتار ناعىز پاتريوتتار. پاتەر مەن 10 سوتتىق جەردى الۋ ءۇشىن 10-15 جىل شىداپ كەزەكتە تۇرعان قازاقستاندىقتار ناعىز پاتريوتتار.
كەيبىر باسشىلاردىڭ وففشوردان ميللياردتاعان دوللارى شىعىپ جاتقاندا 40-50 مىڭ تەڭگە ايلىققا جۇمىس ىستەپ جۇرگەن ءبىزدىڭ ازاماتتار ناعىز پاتريوتتار. كوررۋپتسيامەن بايىعان بيلىگى بار ەكەنىن بىلسە دە 30 جىل شىداپ كەلگەن xالىق ناعىز پاتريوت.
مۇناي مەن گازعا، تابيعي بايلىققا باي ەلدە كەدەي ءومىر ءسۇرىپ جاتسا دا بيلىكتەن وسى ۋاقىتقا دەيىن "نەگە بۇلاي؟" دەپ سۇراماعان xالىق ناعىز پاتريوت. شەتەلگە كەتۋگە مۇمكىندىگى بولسا دا ەلدە جۇمىس ىستەپ، بولاشاققا سەنىممەن قارايتىن، بىردەڭە وزگەرتكىسى كەلەتىن جاستارىمىز ناعىز پاتريوتتار!
ەڭ سوڭىندا ءبىر پرەزيدەنتكە 30 جىل باس يگەن xالىق ەڭ نەرۆىسى مىقتى پاتريوتتار دەگىم كەلەدى. سەبەبى، وسىنىڭ بارىنە ەلدە تىنىشتىق بولسىن دەپ شىدادى. كوندى! اراعا 30 جىل سالىپ ازداپ اينالاسىنا قاراپ، كوزى اشىلىپ، كورشى ەلدەر مەن الەمدەگى وزگەرىستەرمەن سالىستىرىپ "بىزدە نەگە باسقاشا ەمەس؟" دەگەن سۇراۋدى قويا باستاعان ەلگە "تاعى دا ۇندەمە. شىدا! پاتريوت بول!" دەمەڭدەرشى ءوتىنىش. ءبىزدىڭ ەليتا عىلىمي-تەxنيكالىق جاڭالىق اشىپ بايىماعانى بەلگىلى. بايلىعىنىڭ جارتىسىن xالىققا ينۆەستيتسيالاپ، وففشورداعى ميللياردتارىن ەلگە اكەلىپ xالىقتىق جوبالارعا سالىپ، شات-پات قازاقشاسىن تۇزەپ، اقساقالدارىمىز ء"اي، 30 جىلدا بىتىرگەنىم شامالى، ەندى ەل كەلەشەگى جاستار ءۇشىن ورنىمدى ءبىرجولا بوساتايىن" دەپ ءپاتريوتيزمدى سولار كورسەتسىنشى بىزگە. ەلكي-پالكي xالىقتان 30 جىل تەك تالاپ ەتىپ، پاتريوت ەمەسسىڭ دەپ باساتىن، ال وزدەرىنەن ەشتەڭە سۇراۋعا بولمايتىن، سۇراساڭ قۋدالايتىن قانداي ەليتا بۇل؟ قاي جەرى پاتريوتيزم بۇنىڭ؟! 30 جىل جەمقورلىقتى كورىپ كەلە جاتقان xالىققا باسشىلاردىڭ ۇيالماي شىعىپ پاتريوتيزم تۋرالى ايتۋى دەگەنىڭ - مارازم! پاتريوتيزم تۋرالى ايتۋ ءۇشىن ەليتانىڭ قوعام الدىندا بەدەلى مەن مورالنو قۇقىعى بولۋى كەرەك ەڭ بولماعاندا. كوروچە، پاتريوتيزمدەرىڭدى قالتالارىڭا سالىپ قويىڭدار.
باۋىرجان سەرىكباەۆ
