"Patrıot" bolý týraly aqyl-keńes beretin basshylarǵa aıtarym, bizde bankterden nesıeni 20-25%-pen alyp, qınalsa da ony ýaqytyly jaýyp júrgen azamattar naǵyz patrıottar. Páter men 10 sottyq jerdi alý úshin 10-15 jyl shydap kezekte turǵan Qazaqstandyqtar naǵyz patrıottar.
Keıbir basshylardyń offshordan mıllıardtaǵan dollary shyǵyp jatqanda 40-50 myń teńge aılyqqa jumys istep júrgen bizdiń azamattar naǵyz patrıottar. Korrýpııamen baıyǵan bıligi bar ekenin bilse de 30 jyl shydap kelgen xalyq naǵyz patrıot.
Munaı men gazǵa, tabıǵı baılyqqa baı elde kedeı ómir súrip jatsa da bılikten osy ýaqytqa deıin "Nege bulaı?" dep suramaǵan xalyq naǵyz patrıot. Shetelge ketýge múmkindigi bolsa da elde jumys istep, bolashaqqa senimmen qaraıtyn, birdeńe ózgertkisi keletin jastarymyz naǵyz patrıottar!
Eń sońynda bir prezıdentke 30 jyl bas ıgen xalyq eń nervisi myqty patrıottar degim keledi. Sebebi, osynyń bárine elde tynyshtyq bolsyn dep shydady. Kóndi! Araǵa 30 jyl salyp azdap aınalasyna qarap, kózi ashylyp, kórshi elder men álemdegi ózgeristermen salystyryp "Bizde nege basqasha emes?" degen suraýdy qoıa bastaǵan elge "Taǵy da úndeme. Shyda! Patrıot bol!" demeńdershi ótinish. Bizdiń elıta ǵylymı-texnıkalyq jańalyq ashyp baıymaǵany belgili. Baılyǵynyń jartysyn xalyqqa ınvestıııalap, offshordaǵy mıllıardtaryn elge ákelip xalyqtyq jobalarǵa salyp, shat-pat qazaqshasyn túzep, aqsaqaldarymyz "Áı, 30 jylda bitirgenim shamaly, endi el keleshegi jastar úshin ornymdy birjola bosataıyn" dep patrıotızmdi solar kórsetsinshi bizge. Elkı-palkı xalyqtan 30 jyl tek talap etip, patrıot emessiń dep basatyn, al ózderinen eshteńe suraýǵa bolmaıtyn, surasań qýdalaıtyn qandaı elıta bul? Qaı jeri patrıotızm bunyń?! 30 jyl jemqorlyqty kórip kele jatqan xalyqqa basshylardyń uıalmaı shyǵyp patrıotızm týraly aıtýy degeniń - marazm! Patrıotızm týraly aıtý úshin elıtanyń qoǵam aldynda bedeli men moralno quqyǵy bolýy kerek eń bolmaǵanda. Koroche, patrıotızmderińdi qaltalaryńa salyp qoıyńdar.
Baýyrjan Serikbaev
