الماتىلىق بويجەتكەن جاس جىگىتپەن تانىسۋدان باس تارتقانى ءۇشىن سوققىعا جىعىلدى. ال ءتارتىپ ساقشىلارى بولسا، جاس قىزدىڭ وزىنە كىنا ارتىپ، قورعاۋدىڭ ورنىنا، سىننىڭ استىنا العان. بويجەتكەننىڭ بەيمەزگىل ۋاقىتتا سىرتتا قىدىرىپ جۇرگەنىن ابدەن سوككەن، دەپ جازادى "ادىرنا" پورتالى 360news.kz-كە سىلتەپ.
بەلگىلى بولعانداي، وقيعا شىلدەنىڭ سوڭىندا بولعان.
«قۇربىم ەكەۋمىز وزەننىڭ جاعاسىندا وتىردىق. قولدارىندا سىراسى بار ەكى ەر ادام كەلىپ، بىزبەن تانىسقىسى كەلدى. ءبىز ەكى رەت سىپايى تۇردە باس تارتتىق. كەيىن ولاردىڭ ءبىرى بالاعاتتاپ، نەگە تانىسپايتىنىمىزدى سۇرادى. كەيىن ول كەنەتتەن جۇدىرىعىمەن جاعىمنان ۇردى. ەسىمنەن ايىرىلدىم، كەيىن 102, 103 شاقىرتىپتى»، - دەدى بويجەتكەن.
سوراقىسى پوليتسەيلەر جابىرلەنۋشىنىڭ «تۇندە سەرۋەندەپ جۇرگەنىنە ءوزى كىنالى» دەپ ارىزىن قابىلداماعان.
«مەن پروكۋراتۋراعا ەكى رەت حات جازدىم. ءىستى تەرگەۋشىگە بەرىڭدەر، ولار اكىمشىلىك ەمەس، قىلمىستىق ءىس قوزعاسىن دەدىم. ءبىزدىڭ زاڭدارىمىز وسىنداي. 17 كۇن ءوتتى، كىنالىنى تاپپادى. ءتىپتى جاق سۇيەگىم سىنباسا دا، پسيحيكام بۇزىلدى. ولار ءىستى وپەراعا نەمەسە تەرگەۋشىگە بەرە المايدى. ەشقانداي كامەرا جوق، سوندىقتان ونى تابا المايدى»، - دەپ قوستى ول.
الماتى قالالىق پوليتسيا دەپارتامەنتى قازىر كۇدىكتىلەردى انىقتاپ، ۇستاۋعا باعىتتالعان جەدەل ءىس-شارالار جۇرگىزىلىپ جاتقانىن حابارلادى. جابىرلەنۋشىنىڭ العان دەنە جاراقاتىنىڭ اۋىرلىعىن انىقتاۋ ماقساتىندا سوت-مەديتسينالىق ساراپتاما تاعايىندالدى.
ۇقساس جاڭالىقتار
