2022 جىلدىڭ 6 ناۋرىزىندا اتىراۋدا ۇقك دەپارتامەنتىنىڭ قىزمەتكەرلەرى ايماقتىق كاننابيس توبىنىڭ ەسىرتكى زاتتارىن جەتكىزۋگە قاتىسى بار دەگەن كۇدىكپەن ءۇش قازاقستاندىقتى ۇستادى، دەپ حابارلايدى "ادىرنا" ۇلتتىق پورتالى.
7 ناۋرىزدا توپتىڭ تاعى ءبىر مۇشەسى ۇستالدى، الدىن الا مالىمەت بويىنشا، ول ەسىرتكى ارناسىن ۇيىمداستىرۋشى بولعان.
پروتسەسسۋالدىق شارالار بارىسىندا زاڭسىز اينالىمنان 61 كەلىدەن استام ماريحۋانا تاركىلەندى، ونىڭ قۇنى قارا نارىقتا 60 ميلليون تەڭگەدەن اسادى.
اتالعان فاكتىلەر بويىنشا سوتقا دەيىنگى ماتەريالدار قازاقستان رەسپۋبليكاسى قىلمىستىق كودەكسىنىڭ 297-بابىنىڭ 3-بولىگى – «ەسىرتكى قۇرالدارىن وتكىزۋ، جونەلتۋ نەمەسە وتكىزۋ ماقساتىندا زاڭسىز دايىنداۋ، قايتا وڭدەۋ، يەمدەنۋ، ساقتاۋ، تاسىمالداۋ» بويىنشا تىركەلدى.
اتىراۋ وبلىسىنىڭ تەرگەۋ سوتى اتالعان تۇلعالارعا قاتىستى قاماۋعا الۋ تۇرىندەگى بۇلتارتپاۋ شاراسىن سانكتسيالادى.
بۇعان دەيىن ەك ۇقك قىزمەتكەرلەرى 220 مىڭ دوللار تۇراتىن ەسىرتكىنى تاركىلەگەنىن جازعان.
"ادىرنا" ۇلتتىق پورتالى
