اتىراۋ وبلىسىنىڭ 29 جاستاعى تۇرعىنى يندونەزيا رەسپۋبليكاسىنىڭ لومبوك ارالىندا اسا اۋىر قىلمىس جاساعان كۇدىكپەن ۇستالعان ساتىنەن بەينە جاريالادى، دەپ حابارلايدى "ادىرنا" ۇلتتىق پورتالى.
قر ىشكى ىستەر مينيسترلىگىنىڭ حابارلاۋىنشا، كۇدىكتى اتا-ەنەسىن ءولتىردى دەگەن كۇدىككە ىلىنگەن. قىلمىسقا قاتىستى بۇرىنعى ايەلى دە انىقتالعان. ۇستالعان ادامعا قاتىستى ۆيدەوجازبا جاريالاندى.
ايتا كەتەيىك، 2025 جىلدىڭ قازان ايىندا اتىراۋ وبلىسى، قىزىلقوعا اۋدانى، جانگەلدين اۋىلىندا ءبىر وتباسى جوعالىپ كەتكەن.
2026 جىلدىڭ قاڭتارىندا جۇبايلاردىڭ مايىتتەرى وزدەرىنىڭ ۇيىندە تابىلدى. قىلمىس جاساعان كۇدىكپەن ماحامبەت اۋدانىنىڭ 29 جاستاعى تۇرعىنى حالىقارالىق ىزدەۋگە جاريالانعان بولاتىن.
سونىمەن قاتار، حالىقارالىق ىزدەۋگە كۇدىكتىنىڭ 30 جاستاعى ايەلى – اقبايان مۇقانعاليەۆا، سونداي-اق قايتىس بولعان وتباسىنىڭ كىشى قىزى دا تىركەلگەن. ايەل قازىرگى ۋاقىتتا ءىس بويىنشا ءىز-ءتۇسسىز جوعالعان ادام رەتىندە ەسەپكە الىنعان.
قر ءىىم وقيعانىڭ ءمان-جايىن انىقتاۋ ءۇشىن شەتەلدىك ارىپتەستەرىمەن بىرلەسە جۇمىس جۇرگىزىپ جاتقانىن حابارلادى.
